Samsung Galaxy Z Fold 3規格、價錢、全防水！一文睇清8大重點整合(不斷更新)

Samsung Galaxy Z Fold 3|8大重點整合

Fold 3多重視窗輕鬆操作

而Galaxy Z Fold 3採用6.2吋機面屏幕及7.6吋主屏幕，就算你煲緊劇，關閉屏幕時都會自動切換至主屏幕顯示出來，更可同時在主屏幕同時操作3個App，隨意轉換視窗方向、大小及擺位等。

Samsung Galaxy Z Fold 3邊框採用「Armor Aluminum」呢種更輕身，但保護性更強的金屬，主屏幕更加入全新具彈性PET物料，耐用度比上一代提升80%，前置鏡頭位更設有隱藏功能，播片時會無咁顯眼。

Samsung Galaxy Z Fold 3系列顏色全面睇

外觀顏色方面，Fold 3手機將提供「幻影黑」、「幻影銀」、「幻影綠」。

機面屏幕擁有1,000萬像素鏡頭、主屏幕的400萬像素及1,200萬像，鏡頭取景更可自動偵測多達4個人，拍攝團體照嘅時候將會更加方便。

手機設有IPX 8抗水功能，最適合熱愛水上運動嘅你，加上天氣時陰時晴，落雨時拎住部電話隨時滴濕晒，但今次Fold 3屏幕可以輕鬆處理水滴，落住雨傾電話都完全冇問題。

首支援S Pen的摺機

今次Samsung將推出「S Pen Fold Edition」及「S Pen Pro」，利用S Pen可以輕鬆在手機上撰寫筆記、編輯圖片、加入插圖及螢幕截取，更可以一邊屏幕開緊會，另一邊就開啟Samsung Notes記底重點，甚至可以一邊煲劇一邊網購添。

新主機都會加入「隱藏式轉軸」及「抗塵清理」技術，為手機提供更深入的保護功能，手機進行過耐用性測試，可摺疊超過20萬次。

官方亦提供售價，Fold 3價錢為$14,598(256GB)／$15,398(512GB)。