Samsung電視熄機變名畫 「Unbox and Discover」發布會懶人包

Samsung電視熄機變名畫 「Unbox and Discover」發布會懶人包

Samsung喺3月2日晚上11點跟美國同步舉辦咗個「Unbox and Discover」發布會上面,未有如大眾猜測推出新嘅AR眼鏡,但就公布咗幾款令人有驚喜嘅電視機,包括咗「The Frame」畫壁系列電視,以及電影級4K絢幕系列激光投影器「The Premiere」。

撰文:odin | 圖片來源:Samsung

【Samsung】「The Frame」畫壁系列電視

Samsung「The Frame」採用藝術畫框式設計理念,開著嘅時候係一部電視機,熄機嘅時候就會變成畫廊入面嘅一幅名畫,Samsung「The Frame」配以柚木色嘅邊框,並設有白及黑色畫框定制,由於畫框採用磁吸設計因此可以輕鬆進行拆卸及更換,滿足用家嘅審美需求。Samsung「The Frame」厚度只有24.9毫米,同大多數相框嘅厚度相同,電視尺寸範圍擴展到32至75英寸,32及43吋版本支援縱向顯示,喺畫質配備方面Samsung「The Frame」採用咗「QLED量子點顯示技術」,令呢款產品可以喺高分辨率之下,精準咁還原藝術作品原本的絢麗色彩。此外Samsung「The Frame」亦將內置儲存容量從500 MB增加至6GB,最多可儲存高達1200張UHD品質嘅照片,喺8K機種部分將推出兩個款式及分別推出係65、75及85吋嘅規格,而4K機種則推出50吋以上規格。

【Samsung】熄機嘅時候就會變成畫廊入面嘅一幅圖畫。
【Samsung】熄機嘅時候就會變成畫廊入面嘅一幅圖畫。(圖片來源:Samsung)
【Samsung】「The Frame」厚度只有24.9毫米。
【Samsung】「The Frame」厚度只有24.9毫米。(圖片來源:Samsung)

【Samsung】「The Serif」畫境系列電視

Samsung「The Serif」跳出咗傳統電視嘅設計思維框框,加入咗可拆卸落地支架,令你可以輕鬆將佢移動到房間嘅每一個角落,Samsung「The Serif」畫境系列電視設計了類似字母「I」嘅外觀,令呢款產品實現咗360度零死角嘅高顏值,並配備咗QLED量子技術呈現出高分辨嘅畫質,同時Samsung「The Serif」搭配三星自家開發嘅處理器,能夠將低分辨率內容升級至4K畫質效果,從而帶嚟更細膩嘅大屏觀看體驗。

【Samsung】「The Serif」跳出咗傳統電視嘅設計思維框框。
【Samsung】「The Serif」跳出咗傳統電視嘅設計思維框框。(圖片來源:Samsung)
【Samsung】熄機嘅時候就會變成畫廊入面嘅一幅名畫。
【Samsung】熄機嘅時候就會變成畫廊入面嘅一幅名畫。(圖片來源:Samsung)

【Samsung】「The Premiere」投影機

Samsung「The Premiere」投影機擁有機身輕巧便攜嘅優點,畫面尺寸重可以調校至傳統電視無法實現嘅超大尺吋,Samsung「The Premiere」不單止支持130英吋嘅超大畫面尺吋,重加入咗全色激光技術令你喺屋企都能夠享受戲院般嘅4K畫質,Samsung「The Premiere」可以近距離安裝在牆壁附近,最近距離為11cm。

【Samsung】畫面尺寸重可以調校至傳統電視無法實現嘅超大尺吋。
【Samsung】畫面尺寸重可以調校至傳統電視無法實現嘅超大尺吋。(圖片來源:Samsung)

「The Terrace」系列電視

「The Terrace」係Samsung首款戶外電視機為用戶提供戶外觀看嘅場景,「The Terrace」配備咗4K QLED高亮面板、並符合IP55防護等級可防水防塵,目前設有Samsung「The Terrace」55及65吋嘅款式,夏天將會推出全新嘅75吋款式。

【Samsung】Smart Trainer健身功能嘅新版Samsung Health確定於今年春季推出。
【Samsung】Smart Trainer健身功能嘅新版Samsung Health確定於今年春季推出。(圖片來源:Samsung)

YOU MAY ALSO LIKE ...