姣婆, 綠茶婊, 特徵, 黃心穎, 許志安

姣婆/綠茶婊5大特徵!面相純情實質心機處處?小心提防身邊人

兩性關係

廣告

姣婆/綠茶婊特徵|唔知大家身邊有冇一種女仔,個樣睇落純過蒸餾水,嗲聲嗲氣,令男仔好想保護佢;但喺女仔面前又係另一個樣,呢種人都會被稱為「姣婆」或者「綠茶婊」,有時遇到呢種女人真係覺得好攞命。一齊睇下佢哋有咩特徵,畀大家提防一下呀!

姣婆5大特徵!

好多人都話女人最清楚女人,所以好易就會一秒鑑定邊個係綠茶婊,但男人唔係呀!佢哋天生就好似缺少咗呢方面嘅細胞咁。當你喺班男人面前提起呢種女人嘅時候,就會覺得你喺度妒忌人,覺得你講緊人壞話,搞到自己好似有錯咁。但呢班綠茶婊嘅目標,唔係你,而係一班男人呀!!

姣婆/綠茶婊5大特徵!面相純情實質心機處處?小心提防身邊人
即刻睇下綠茶婊有咩特徵。(圖片來源:TVB截圖)

如果唔想畀呢班姣婆搶走自己嘅男人,一定要跟住以下一套「姣婆評分標準」!男男女女都要睇一睇,提防下呢類人呀!

姣婆/綠茶婊特徵一:扮嘢最叻

姣婆最叻就係識扮嘢:扮無辜、扮可憐、扮純潔、扮文藝。明明心入面已經清楚晒所有嘢,但依然擺出聽唔明或者唔識嘅樣,乜都要男人幫,最佳例子就係扭個樽蓋都扭不開。

姣婆/綠茶婊5大特徵!面相純情實質心機處處?小心提防身邊人
姣婆最叻扮可憐!(圖片來源:《撒嬌女人最好命》電影截圖)

姣婆/綠茶婊特徵二:異性朋友特別多

呢種女人最鍾意同男人「以稱兄道弟為由,以收兵姣仔為實」去同異性行得好埋,呢個話係已經「friend-zone咗」、果個又話係自己嘅藍顏知己,但喺佢哋嘅社交平台入面跟本就冇出現過一個男人!

姣婆/綠茶婊5大特徵!面相純情實質心機處處?小心提防身邊人
佢哋好鍾意以稱兄道弟為由同異性行得好密。(圖片來源:《撒嬌女人最好命》電影截圖)

姣婆/綠茶婊特徵三:鍾意同有另一半嘅男人交流

講就話係朋友,強調「男女之間係會有純友誼。」當男人同另一半鬧交嘅時候就會第一時間衝出嚟噓寒問暖,甚至會批評埋人哋另一半:哎呀佢係咁㗎喇,如果係我就會點點點。令到男人都覺得佢好通情達理,善解人意。

姣婆/綠茶婊特徵四:聲稱唔鍾意影相 但就成日貼相

呢種女仔經常都會聲稱自己唔鍾意自拍、唔鍾意化妝。但一開佢哋嘅instagram,十張有九張半都係佢哋嘅大頭自拍,仲要張張都化晒妝,但就聲稱自己係素顏。

姣婆
(圖片來源:[email protected]

姣婆/綠茶婊特徵五:聲大夾惡

唔係講嘢大聲夾惡,而係明明係自己唔啱做狐狸精,但就大大聲話自己係真愛!拆散人哋美好家庭,呢種人先係最衰!

姣婆/綠茶婊5大特徵!面相純情實質心機處處?小心提防身邊人
(圖片來源:TVB截圖)

常見問題

姣婆/綠茶婊有甚麼特徵?

好多人都話女人最清楚女人,所以好易就會一秒鑑定誰是綠茶婊,但男人就沒有這方面的觸覺了,小心提防有以下特徵的女人!詳情請看

遇上心儀對象要點追?

唔同女仔追求嘅方式都唔同,如果用錯方法就可能食「檸檬」,熟讀媾女攻略令你事半功倍!如果女生唔想太主動,在心儀對象面前散發出女人魅力,自然能俘虜男神的心。最後要開始一段戀情,當然唔少得表白,切勿犯了這幾個表白禁忌,令你前功盡廢!

撰文:PC |編輯:乖乖圖片來源:《撒嬌女人最好命》電影截圖、TVB截圖、[email protected]資料或影片來源:(原文刊於新假期)

YOU MAY ALSO LIKE ...