兩性關係︳呢5種港女幾靚男性都唔會追！港男：真係掉頭走！
無人追港女︳1. 超強勢女性
雖然而家的男性同以往已經好唔同，但普遍男性都仍愛面子、大男人，都會想搵返個溫柔可愛、小鳥依人的女性，所以性格太過於強勢的女性、事業心強的女強人就會相當輸蝕！而且因為女性太強勢，有時講嘢太直接唔覺意傷害到男性尊嚴，令男性自主性降低，只要稍為自身能力唔夠強大，已經會被比下去，造成地位不平等的問題，就算條件再好都嚇走唔少男性！
無人追港女︳2.超獨立女性
雖然唔少男性都會話想搵獨立的女性，但其實過於獨立的女性，小咗一份依賴感，咩都獨來獨往，自己搞掂，會令另一半感覺唔到需要自己，而且呢種女性通常性格都會較自我中心。
無人追港女︳3. 超級宅女
超級抗拒社交，平日生活基本上只有工作，娛樂就只係宅喺屋企睇吓戲、追吓劇，朋友都無乜。咁樣的情況下，如果工作場所無合適的對象，根本難以識到異性，而且因為太少社交同人相處，就算遇到合適的對象都會因為唔識同人相處而令到戀情不了了之。
無人追港女︳4. 超受異性歡迎的女性
呢種女性性格通常都外向、活潑、大大咧咧，好容易同異性打成一片，朋友圈有唔少異性朋友，有時會被形容為「女漢子」。呢種性格的女仔通常都比較受男性歡迎，異性緣好，不過都因為太過男仔頭，異性根本已經當為「同類」處理！而且亦因為太多異性朋友都會令唔少男性卻步，覺得競爭大，難以有安全感。
無人追港女︳5.超級戀愛腦
勁容易就沉船，啱啱識就已經諗到要同人結婚生仔，對對方展開激烈的攻勢，真係唔好以為「女追男隔層紗」係真！亦因為過於急切的攻勢令男性好有壓迫感，容易嚇走異性！
遇上心儀對象要點追？
唔同女仔追求嘅方式都唔同，如果用錯方法就可能食「檸檬」，熟讀媾女攻略令你事半功倍！如果女生唔想太主動，在心儀對象面前散發出女人魅力，自然能俘虜男神的心。最後要開始一段戀情，當然唔少得表白，切勿犯了這幾個表白禁忌，令你前功盡廢！
如何保持戀情熱度？
情侶的關係是雙向的，不論男女都應學識這套「情侶相處十二式」。情侶拍拖時亦可以互相做一些情侶間甜蜜小行為，為關係保持新鮮感。當然一段感情沒有可能永遠都處於熱戀期，想分清男朋友是愛你還是鍾意你，即從這5件事分辨出來！
