聖誕脫單港男教你出pool必勝法 只需5招女神必到手!?

兩性關係

廣告

臨近聖誕節,準備會見到一街都係情侶的節日,唔少人都會唔想Lonely Christmas,單身人士都會想睇吓有無機會聖誕前出pool,搵個好人家一齊過返個溫馨平安的聖誕。早前,就有位網民分享出pool大法,仲話只需要5招,聖誕出pool話咁易?!不過有網民睇完就話根本無樣呢5招根本都只係假!

出Pool 有網民分享出Pool教學,表示只需5招,即可令單身人士成功取悅女生,出Pool在望。
(圖片來源:《觸及真心》)

出Pool第1招:所有嘢都有限期 溝女都會過期

必勝Pool第一招,唔好浪費太多時間喺同一個女仔身上。事主分享如果要追求一個女生,最多用幾日至3個月的時間就要成功,否則用再多的時間都是白費,仲表示,超過呢個期限對方就會將你放進「Friend Zone」,所以只要斷開聯絡一段很長時間再以陌生人身分再接近,就可以再有機會令愛的火花再次萌生,最後又再次強調:「千祈唔好追一條女追太耐,會浪費你好多時間」。

出pool
(圖片來源:《重慶森林》截圖)
出pool
(圖片來源:《重慶森林》截圖)

出Pool第2招:沉得住氣先真漢子

唔好認識太短時間就表白,事主直指女仔係唔會因為你表白而愛上你,如果對方對你有好感,就算唔表白都可以成功進入下一個階段,同埋教你表白只需要簡單一句「我鍾意你!」就掂啦,唔晒長篇大論千字文如同滔滔江水。樓主又表示:「女仔係會因為唔確定性而上心,唔會因為確定性而上心」,認為安全感會扼殺了愛情之間的張力,令對方失去興趣,所以最重要都係用「未有結局嘅小說最引人入勝」手段,不清不楚的狀態能有助令對方愛上你。

出pool
(圖片來源:《惡作劇之吻》截圖)
出pool
(圖片來源:《惡作劇之吻》截圖)

出Pool第3招:無聲勝有聲

Pool第三招,唔駛成日傾計,樓主認為如果追女仔的過程中成日係咁同對方傾計的話,雖然好容易會變得熟絡,但都同時令兩人之間失去咗神秘感。所以兩人曖昧的過程中都要保持一定距離,等對方都有空間能夠掛住你,更指出「秒回」真係一個好大的問題,教路如果想知對方有冇著緊自己,可以試吓突然1日唔搵找對方,如果對方都有著緊的感覺,你就已經成功一大半。

出pool
(圖片來源:《無法抗拒的他》)

出Pool第4招:耍壞壞若即若離

樓主再次講到「愛情張力」真理的重要性,指如果對對方太好或者太主動,好容易令對方覺得自己所付出的一切能夠隨便得到,更指:「女人係唔會鍾意你對佢太好太主動,女人只會鍾意啲佢地辛辛苦苦先可以得到嘅嘢」,男方唔好過份主動地示好,若即若離反而會容易到手。

出pool
(圖片來源:mv截圖)

出Pool第5招:「瘦田無人耕,耕開有人爭」

樓主最後以「投資」去形容追女仔,指追女仔都要分散投資,以增加回報。樓主指如果對方見到你沒有其他女人感興趣的話,對方反而不會對你有興趣,但如果見到你又有競爭力時,對方才會開始著緊你,認為你更有魅力,指「瘦田無人耕,耕開有人爭」,人就是要透過競爭才有價值,女生的價值觀同樣。

出pool
(圖片來源:《春嬌與志明》)

分享曾經一日就成功

樓主當然唔會淨吹水,唔分享吓個人經驗啦。樓主指自己最短一日就成功追到過女仔,亦都有試過花足3年時間,佢強調就算非常認真地追求一個女子,都未必有好結果「溝女係真係唔需要死溝,追唔到就放低,你遲早都會反覆遇上一個你覺得唔可以無咗佢嘅人。」

出pool
(圖片來源:《社內相親》截圖)

網民:講到尾樣都係最重要

雖然樓主的分享都得到唔少網民的認同,但有網民就指出,無論咩招數,樣都係最重要,因為「第一印象」真係好緊要,所以建議追女仔時,記得點都要執一執返好啲個樣,至少要企企理理。

出pool
(圖片來源:《社內相親》截圖)

遇上心儀對象要點追?

唔同女仔追求嘅方式都唔同,如果用錯方法就可能食「檸檬」,熟讀媾女攻略令你事半功倍!如果女生唔想太主動,在心儀對象面前散發出女人魅力,自然能俘虜男神的心。最後要開始一段戀情,當然唔少得表白,切勿犯了這幾個表白禁忌,令你前功盡廢!

如何保持戀情熱度?

情侶的關係是雙向的,不論男女都應學識這套「情侶相處十二式」。情侶拍拖時亦可以互相做一些情侶間甜蜜小行為,為關係保持新鮮感。當然一段感情沒有可能永遠都處於熱戀期,想分清男朋友是愛你還是鍾意你,即從這5件事分辨出來!

關鍵詞
出Pool聖誕
圖片來源:《觸及真心》、《春嬌與志明》、mv截圖、《重慶森林》截圖、《無法抗拒的他》、《惡作劇之吻》截圖