Zpecial新歌《Not the One》MV有微辣佩男攬頭攬頸！
廣告
今年新加入華納的樂隊 Zpecial ，推出新歌《Not the One (Neither of Us》，MV已於其頻道youtube上架。今次華納搵嚟林千渟及微辣佩男參與MV演出，主音康聰及鼓手煒賢都有參與MV！第一次要演戲的康聰表示緊張到標汗，搞到佩男濕晒！
康聰攬女仔勁緊張
今次呢首新歌康聰表示係講述一個感情上，不斷巡環傷害的故事，煒賢就更爆直言，「值呢首歌向曾經被我傷害過的女孩子，講聲唔好意思。」而第一次做MV主角的康聰一次過同兩個女仔演戲，非常緊張，而且仲有唔少親蜜動作，最後落得被佩男取笑的下場 。佩男話: 「有一場戲，好搞笑，拍拍下，我突然間塊面「黐立立」，佢大汗到我塊面濕晒，全部係佢啲汗。哈哈。」康聰尷尬笑道，「係呀，唔好意思，攬頭攬頸之後，我發覺自己唔單止係手出汗，手臂都出埋汗，攬過佢去到就搞到佢面都濕埋。」而煒賢就馬上反問，「真係好怪呀！我識左佢咁多年，佢係一個連做運動都唔流汗嘅人，但係今次竟然咁囉，哈哈。」
煒賢認自己係bad boy！
煒賢同樣是第一次拍MV要演戲，但他就沒有康聰咁好福份可以攬頭攬頸，主要的戲份都是同林千渟吵大鑊，「我都流晒汗架，我第一次要喺中環條街同條女吵大鑊，拍嗌交戲，互爆咗十幾次導演先收貨。都好多謝千渟，佢帶我入戲啦。好彩我個樣夠衰夠惡，導演都收貨。」問到煒賢曾經情路上，有沒有傷害過人？煒賢坦白道，「點會冇，我想借呢首歌向曾經被我傷害過的女孩子，講聲唔好意思。」康聰就話: 「其實傷害都可以算係人生一個成長過程，經過傷害，人就會成長，日後會處理得更好。」
Zpecial）
Zpecial今次新歌，有什麼特別之處？
今年新加入華納的樂隊 Zpecial ，推出新歌《Not the One (Neither of Us》，今次華納搵嚟多個名人參與MV演出，包括…詳情請看
Zpecial今次新歌講述什麼故事？
今次呢首新歌康聰表示係講述一個感情上，不斷巡環…詳情請看
圖片來源：官方提供資料或影片來源：youtube＠Zpecial
