Mirror｜2022年演唱會7月開騷 粉絲反而憂多過喜？

7月紅館開騷 連開10埸！

ViuTV男團上星期日（24日）於《Chill Club》頒獎典禮橫掃多個獎項，其成員Anson Lo更拎埋21／22年度十大歌曲第一位、年度男歌手金獎，昨日推出2022年首支派台新團歌《 Innerspace》，今日正式宣布於紅館開騷，簡直為熱爆的Mirror再推高人氣！現今暫定7月25至31日、8月2至4日，一連10埸《MIRROR.WE.ARE LIVE CONCERT 2022》演唱會，繼去年演唱會《MIRROR “ONE & ALL” LIVE 2021》，首次於紅館開騷！門票分別為480、880及1280港元而因為應疫情問題，到時要因應防疫措施，入座率最多75%。門票優先訂購同公開發售詳情會稍後公佈，粉絲們要好好努力搶飛了！

粉絲憂心再次出現黃牛炒飛問題：要求實名制！

消息公布，唔少粉絲即於IG留言要求「實名制買飛」！有鑑於去年Mirror演唱會《ONE&ALL LIVE 2021》出現黃牛炒飛問題，一票難求，HK$780的門票最高炒至2.4萬元，非常誇張！事件仲引發名校家長要求取消演唱會一事，因名校家長認為炒Mirror演唱會飛一事引起不良風氣，寫信俾特首，指希望取消演唱會，原因是Mirror演唱會會引誘年青人大肆揮霍金錢，雖然最後未能確認真偽，不過引起不少迴響！難怪鏡粉一得知演唱會一事即刻咁激動！

Mirror新歌《 Innerspace》

Mirror 2022年首支派台團歌《Innerspace》MV昨日於YouTube上架，今次歌曲主題以身體的聲音、人體內部出發。中文名叫《人體奇妙旅程》，根據歌曲介紹指希望憑歌帶大家進入幻想世界，窺探身體奧秘！今次新歌仲要由姜濤負責rapper擔當，唔少鏡粉睇完都表示非常有驚喜！

鏡粉激讚，唔知嚟緊演唱會會唔會聽到呢？！

Mirror團歌欣賞：

https://youtu.be/FvS4Ny4aW3Q