MIRROR演唱會︳被批極hea 食相差過屯門娜娜 網民：唔緊要啦咁多水魚

舞台未搭好 舞都未排好就開騷！？

網民不滿演唱會似乎太趕急，舞台未搭好，舞又未排好。Mirror演唱《BOSS》一曲時，舞台、歌曲就連排舞都好似未夾好咁，《BOSS》播咗大約30秒左右，有前奏有人聲，但一直未見舞台升上，不知是否為舞台效果，感覺好突兀，舞台燈光亦完全無變化。終於見到mirror升上台時，只見12子都係一面未準備好的樣子，各人各自喺舞台上行行企企，狀態非常散亂，整首歌也沒有完整團舞。

完整影片：

網民：以為睇緊彩排，點樣衝出國際？

有唔少網民都認為如果真係要紅出國際看來要再加倍努力，因為已經有12人再加上舞者，變相感覺好混亂「中肯建議，想Mirror更好:要邁進國際水平及舞台，紅出香港，持久紅下去的話，跳舞方面要花多些時間練，要好整，所有成員合一步拍。Makerville 要小心，不可只用Mirror做搖錢樹，猛推Mirror 做show，未完善水準，國際觀眾及製作人均看在眼內。」「燈光無返工？」「望到台下有咁多條水魚，x又有乜所謂？」「好勵志 唔駛咁努力 唔駛好靚仔 hea下hea又賺到錢 有名有利，我覺得係連登仔偶像」「好似睇緊深水埗一班人亂咁行咁」「開頭好似 亞視派壽包咁」「一開頭升得9個人上嚟 所以跳唔到」「3首歌都冇團舞」