MIRROR演唱會︳出現「豆腐渣舞台」 Anson Kong險遇意外跌落台!

音樂

廣告

男團MIRROR 12場紅館演唱會昨日(25/7)正式開騷,由開售至今單係演場會飛問題已經鬧出唔少是是非非,24日彩排時更爆出Dancer們齊齊於社交平台放負、怒插製作單位一事,Anson Kong 江𤒹生亦有開腔於ig回應此事,據知事件全因為舞台機關問題,而昨晚被粉絲拍到機關真係出現問題!

Anson Kong舞台發生劇震 差點出意外

昨晚Anson Kong與與Lokman合唱《虎度門》時,站於一個舞台機關上熱舞,AK原本非常淘醉自己的表演上,可機關突然發生劇震,令AK頓時失平衡,險從小舞台掉下來,幸好AK就像Dancer昨日投訴強調「執生」問題,真係成功執生,臨急不亂!

mirror演唱會
(圖片來源:lihkg討論區截圖)
mirror演唱會
(圖片來源:lihkg討論區截圖)
mirror演唱會
(圖片來源:lihkg討論區截圖)

12子唱《IGNITED 》舞台條橋搖搖欲墜!

mirror表演《IGNITED 》一曲站到一個凌空的橋上,影片可見條橋不斷搖晃,感覺搖搖欲墜,相當危險!

mirror演唱會
(圖片來源:youtube@Viu1 HK)
mirror演唱會
(圖片來源:youtube@Viu1 HK)

mirror演唱會 有網民影到條橋不斷搖晃
有網民影到條橋不斷搖晃(圖片來源:tg@mirror fans club)

網民睇到勁擔心:係咪想重演Beyond黃家駒事件!

唔少網民因為Dancer們的申訴以及鏡粉拍到的片段而勁擔心,鬧爆製作單位罔顧人命,網民比喻個舞台唔穩到好似「水上樂園啲浮床」!「好彩佢個重心向前,如果重心向後果時chok一chok真係玩完」「黐撚線仲叫人有咩事執生,執骨就有份」「機動遊戲咁」「真係搵命博㗎喎 班老細完全冇錫住佢地」「條片睇得出好危險,下次咪玩呢啲野,一覺唔覺意就樂極生悲」「反應快到,執生執得好靚」「依個位跌既話真係好傷」「點會鬆到咁,到底邊個整個台」「唔怪得佢出story x」「唔知琴日班dancer係咪有講埋呢啲,其實好危險,玩咁多花臣 不如就咁上台唱歌算」

圖片來源:lihkg討論區截圖,tg@mirror fans club,youtube@Viu1 HK資料或影片來源:youtube@Viu1 HK,tg@mirror fans club