Jeremy Lee 李駿傑個人單曲《半》型男逐個數 網民：歌好聽 MV超好睇
Jeremy 李駿傑出咗個人單曲《半》，好評不斷！除咗可以欣賞Jeremy蛻變之外，MV都激讚！當中4位型男都非常吸晴，眼利嘅網民都已經將佢哋一一起底！
「好睇，好聽，好靚仔」「個mv 係拍得好好」
Jeremy李駿傑於2018年參加《Good Night Show 全民造星》並打入10強，現為Mirror成員之一。2月22日推出嘅個人單曲《半》引起迴響，歌曲有別一般流行曲風， 非常帶有個人豔媚風格，盡顯暗黑邪魅！除咗聽歌之外，成個MV都拍得非常用心，尤其喺MV當中嘅4位型男，分別係李創偉 Catry、Justin Chu、Matthew Han、梁嘉進 Eric Leung，每一個都各有特色，網民們最鍾意邊位型男呢？
男神1. 李創偉 Catry
李創偉 Catry喺MV最吸晴，首位出埸嘅型男。壞男孩形象示人，除衫大show胸肌，同MV女主角激吻纏綿，非常火辣！即被網民起底，原來之前已經上過《阿女又戀嚟》、《男神廚房》嘅節目，係公認嘅男神嚟！唔怪之得咁網民都表示忍唔住要loop返十幾次！
「身材好正！」、「嚴重缺氧！」
Catry喺MV好突出，即刻引發網民討論，好多網民都表示都頂唔順啦！
男神2.Justin Chu
MV第2位出埸嘅男神Justin Chu ，便利店小哥哥，同樣有同MV女主角激吻片段！平時喺唔少廣告中都會見到佢。雖然無Catry咁多肌肉睇，但隔住件衫都睇到身型好啦！
男神3. Matthew Han
MV文青型男Matthew Han！有份出演《IT狗》等劇集！MV真係咩型男類型都有，呢個斯斯文文，眼鏡控嘅你一定唔可以錯過！
男神4. 梁嘉進 Eric Leung
Eric Leung MV最後出嘅男神，佬味十足。演藝學院畢業嘅Eric經常會喺ViuTV嘅劇集見到佢，參與不少舞台劇，唔怪得激吻戲做得咁好啦！
個個都咁型！都唔知揀邊個好！Jeremy新歌就算唔好聽，淨係睇個MV都大飽眼福啦，無得輸呀！
圖片來源：MV《半》截圖, [email protected]_0908, [email protected], [email protected], [email protected]_is_coming, [email protected], LIHKG討論區截圖
