G.E.M.鄧紫棋預告即將來港開演唱會！因LED原因唔揀紅館？

Feb 7 2024

32歲G.E.M鄧紫棋北上發展多時，早前1月4日回港現身大球場擔任國際邁亞密（Inter Miami CF）與香港隊進行表演賽的壓軸表演嘉賓。久違香港舞台的G.E.M，雖然沒有唱出廣東歌，不過就帶來英文、西班牙歌！其後被網民大讚真係超水準表演，仲話期待G.E.M回歸香港樂壇，G.E.M都順勢預告會返港搞演唱會，仲希望喺2025年前！

gem 鄧紫棋 G.E.M鄧紫棋正在搞巡演中 — G.E.M鄧紫棋正在搞巡演中（圖片來源：ig＠gem0816）

G.E.M鄧紫棋預告2025年來港開騷！想喺啟德搞？

G.E.M鄧紫棋自擔任國際邁亞密（Inter Miami CF）表演賽的壓軸表演嘉賓後，被唔少香港粉絲問到幾時返香港搞演唱會，G.E.M表示一定會返嚟開，不過想等啟德體育場完工。其後昨日（6日）又同網民大玩你問我答，被問到係咪要等到2025年時，G.E.M回應希望可以再快啲，而點解揀啟德體育場而唔揀紅館，G.E.M表示因為紅館個期太爆，而且佢個LED 20米高，如果揀紅館就要縮細成套舞台了。

gem 鄧紫棋 G.E.M鄧紫棋自擔任國際邁亞密Inter Miami CF）表演賽的壓軸表演嘉賓後，被唔少香港粉絲問到幾時返香港搞演唱會，G.E.M表示一定會返嚟開 — G.E.M鄧紫棋自擔任國際邁亞密（Inter Miami CF）表演賽的壓軸表演嘉賓後，被唔少香港粉絲問到幾時返香港搞演唱會，G.E.M表示一定會返嚟開（圖片來源：ig＠gem0816）

一齊睇G.E.M玩你問我答！

網民：佢有資格啦！有台型又有實力

唔少網民對於G.E.M鄧紫棋回歸開騷都表示支持，認為G.E.M真係有台型又有實力，夠晒料開咁大個場！「好波到時搶VIP飛」「佢有資格啦」「搵其他人都唔知有冇能力填滿個場」「想同佢講聲加油」不過都有網民擔心G.E.M前公司問題，唔知會唔會因版權問題，搞到G.E.M無晒歌唱！「佢前公司出咗聲明唔比佢喺香港唱喎」「佢開都無得唱自己歌」

睇返：G.E.M.鄧紫棋前公司蜂鳥音樂發版權聲明！禁止翻唱+網民：演唱會點算？

gem 鄧紫棋 G.E.M.鄧紫棋《I AM GLORIA》世巡首站廣州，一連三場 — G.E.M.鄧紫棋《I AM GLORIA》世巡首站廣州，一連三場（圖片來源：ig＠gem0816）

G.E.M.鄧紫棋久違回歸香港舞臺超水準表現

鄧紫棋的香港演出可謂寥寥可數，上一次她在香港的公開演出，是在去年台灣情歌天王周興哲（Eric）的紅館演唱會中擔任嘉賓。今次在G.E.M.在球賽完場後壓軸登場，雖然當時已經有不少球迷離場，但G.E.M.依然非常專業，超水準一連唱出英文歌《Amazing Grace》和《Gloria》的西班牙版本，連碧咸都站在場邊捧場。

gem 鄧紫棋 G.E.M.壓軸一連唱出兩首英文歌。 — G.E.M.壓軸一連唱出兩首英文歌。（圖片來源：NowTV影片截圖）

gem 鄧紫棋碧咸都留在場邊觀看其演出。 — 碧咸都留在場邊觀看其演出。（圖片來源：NowTV影片截圖）

gem 鄧紫棋 G.E.M.退場時大比心心超可愛。 — G.E.M.退場時大比心心超可愛。（圖片來源：NowTV影片截圖）

睇片！

網民留言激讚：美斯冇踢波，好在你唱歌

今次G.E.M.回歸香港舞台，超水準的表現獲網民一致好評，一眾網民都紛紛在討論區留言大讚G.E.M.，並表示支持她回香港開演唱會：「回家吧」、「好耐冇喺電視見到佢啦」、「唱功、樣都贏過晒依家啲歌手」、「喺香港幾時開演唱會」「壓軸登場就是不一樣，太震撼了」「美斯冇踢波，好在你唱歌」「佢唱live 個pitch 穩到，Amazing grace 頭段清唱」。

此外，亦有網民表示G.E.M.選擇離開香港發展是最好的選擇，當初只怪一班網民盲反，搞到G.E.M.敗走香港：「個個X走晒啲有料嘅人，搞到香港淨返啲MIRROR，咪又係你哋香港人自己做成」、「佢唔留喺香港，依個決定真係100分。我諗佢依家搵到嘅錢，係留喺香港嘅1000倍」、「佢仲喺香港就真係浪費咗佢」「淨化一下香港樂壇 . 香港不配擁有好歌手」等。