女團COLLAR於今年7月推出《idc》MV時,因多位成員的造型引發時尚災難而成為全城熱話。事隔2個多月COLLAR再推新歌《Speak Love》,今次新歌驚喜多多,造型今次終於大受好評,特別係被指「Gao唔掂」的呀Gao,終於Gao返掂,唔少網民笑言viutv終於屈服大眾的批評,低頭換咗造型師。除此之外《Speak Love》新歌仲要有男主角!
COLLAR︳新歌《Speak Love》3大驚喜位 1. ViuTV落重本
經歷上一次COLLAR團歌《idc》被批評之後,唔少網民睇得出今次新歌《Speak Love》睇得出ViuTV有落重本!單係歌曲已經搵嚟Serrini填詞,仲有男主角陳健朗、KOL插畫師KitKat等客串MV,MV又有多位Dancer伴舞、肌肉猛男等!網民留言大讚「個MV落咗好多budget ,又請dancer又請Serrini填詞,最重要嘅係好好聽,所以希望可以盡快上榜攞冠軍」「MV超精彩」「MV拍得靚!歌好聽」「好高質嘅mv」「不得不說 Serrini 是天才,賦予這首歌僅屬於Collar的靈魂」
COLLAR︳《Speak Love》 2.COLLAR成陣女人味出晒嚟
新歌《Speak Love》同以往「型格」的路線大不同,今次曲風係玩味輕鬆情歌,盡顯COLLAR成員的女人味!而且COLLAR成員喺MV中仲大玩調情、挑逗,表情仲豐富咗好多,唔少大頭都影到成員索爆,非常吸晴!
COLLAR︳《Speak Love》3. 輪流圍陳健朗!Ivy So獻出激吻?
《Speak Love》今次MV仲有男主角陳健朗導演,陳健朗喺MV中有一幕被COLLAR成員輪住嚟挑逗,同每位成員都有親密接觸,特別係Ivy So,眼力唔好少少都以為2人直頭鍚埋添!唔少網民搞笑留言陳健朗準備被爆頭「牙朗一定要爆頭架喇」「朗導冒住生命危險拍MV 值得讚許」「朗導用生命做男主」
睇埋其他成員一樣正:
COLLAR︳《Speak Love》 4. 造型「Gao返掂」
《Speak Love》MV最多人討論就係COLLAR今次造型大成功,成功抹走《IDC》負評!今次MV少咗好多以往誇張的造型設計、髮色,妝容都偏向淡雅精緻,成功展示返女團青春可愛一面,而且今次清一式短裙仔上陣,IVY SO、WINKA變出事業線、GAO、芯駖著黑絲、day大露背,簡直滿足晒粉絲心願!「女團就係要呢啲妹豬style 要型有型 要樣有樣 要腳有腳 成個mv拍得勁有feel mv同首歌完美地咁夾」「好聽好SWEET,就係要呢啲」「全部個妝都靚左好多」「今次 MV 美指有進步!!!」「今次個妝好靚!希望以後多啲呢個style」「Ivy係依個MV超靚」「好鍾意阿餃呢個頭髮顏色」「今次軼B大露背 好吸睛!」
一齊睇返《idc》對比圖: