Chill Club頒獎典禮2024 ︱ToNick奪「年度樂隊」恆仔勁爆感言
廣告
《Chill Club頒獎典禮2023》昨晚（5月7日）於亞博舉行，ViuTV男團MIRROR同樣再次成為大贏家，成員勇奪多項獎項。除此之外，每年《Chill Club頒獎典禮》都有唔少花生位，而去到年度樂隊獎時，ToNick＠恆仔就有勁爆感言！
Chill Club頒獎典禮2023︳ToNick奪獎感言寸爆ViuTV 3大組合
《Chill Club頒獎典禮2023》有「組合」、「樂隊」獎之分，「組合獎」基本上都由viutv旗下的男、女團橫掃晒。去到「Chill Club年度樂隊獎」時，ToNick就奪得「年度樂隊銅獎」，主音恆仔講得獎感言時，竟然超級有骨！恆仔一開頭就表示要多謝ViuTV的男團MIRROR、COLLAR同ERROR，指令《Chill Club》「無可奈何要設立一個樂隊獎鼓勵我哋」，將ViuTV旗下3大組合擺上台。恆仔又表示近年香港偶像文化好成功，但都有好多本地的樂隊需要大家的支持。最後指佢哋已經入咗紙搞演唱會「希望好快可以喺『嗰個場館』同大家見面。」
Chill Club頒獎典禮2023︳Error幽默回應恆仔寸MIRROR
其後喺Error奪「年度組合銀獎」時，亦回應返ToNick感言「首先要多謝ToNick多謝我哋」，193又話「多謝咁多樂隊，如果唔係佢哋拎咗樂隊獎，我哋一定拎唔到組合獎，同埋最好下年再分切多一個MIRROR除外的組合獎，咁我哋就有機會拎金獎，唔阻住大家，交個台俾MIRROR啦」
Chill Club頒獎典禮2023︳網民擔心恆仔被封殺
恆仔感言令網民都擔心佢會唔會被ViuTV封殺「一次過寸晒3大組合，勁癲」「恆仔寸爆」亦有網民力撐恆仔指佢夠真誠坦白「你既致詞好坦白，加油呀繼續支持你地，希望快啲係另外嗰個場地見」「即刻Follow ig」而且網民質疑紅館一字是否喺ViuTV成為禁言，搞到恆仔要講「嗰個場館」！
圖片來源：ViuTV截圖
