BLACKPINK世界巡演 | 法國站最衰過香港？封「最差表演」力數3宗罪：好混亂

Q: BLACKPINK近期的新歌有陷抄襲風波？

有的，早前的《Pink Venom》，被一位外國音樂人拍片 暗寸抄襲3首外國流行曲 。而近日出的新歌Shut Down，有網民發現主打歌《Shut Down》與COLLAR的... 詳情請看

Sep 6 2023

BLACKPINK《BORN PINK》開始了將近一年的世界巡迴演唱會，未開騷已經成為一輪熱話，每到任何一個國家出騷都係場場爆滿，一票難求，不過好唔好睇就見人見智。早前BLACKPINK香港站演唱會時已有唔少負評，估唔到去到法國站時，更被評為「最差表演」！？

BLACKPINK世界巡演 |法國媒體狠批《BORN PINK》「最差表演」

近日法國媒體回顧喺法國Stade de France、巴黎Paris La Défense Arena所搞的所有演唱會中，對BLACKPINK的演唱會出俾咗相當唔好的批評，仲將BLACKPINK《BORN PINK》演唱會評為「最差表演」，狠評就算將成個體育場填滿咗觀眾都唔代表係一場好的演出，力數3大問題。

BLACKPINK世界巡演 |力數3大問題最荒謬係Jennie

據法國媒體報導中指出BLACKPINK《BORN PINK》演場會混亂。首先佢哋從捕捉BLACKPINK表演畫面解釋，成員表演相當混亂，而且攝影機都係非常唔穩定，中場休息過多，打亂晒節奏。其次就係編舞問題，認為太過刻板，似足教科書，而且因為成員之間好似溝通不足搞到成日都出現失誤、走錯位的問題。最後就係BLACKPINK同粉絲互動奇怪，以及指最離譜就係演唱會尾段環節Jennie竟然突然離開舞台，剩返其餘3位成員喺台上。

BLACKPINK世界巡演 |韓國網民竟認同：工廠生產的舞蹈員

整體對BLACKPINK《BORN PINK》的評價係唔合格。唔少韓國網民對於今次法國報導的狠批後，竟都表示認同！？認為BLACKPINK跳舞時好似成日都漫不經心、睇到有尷尬感、同出道差好遠、Jisoo根本唔掂、BLACKPINK係工廠生產的舞蹈員等。不過都有韓國網民力撐，認為明明其他媒體都有大讚，今次的法國媒體偏主觀。其次Jennie之前已經有講過係因為佢身體不適需要突然離台。而且仲反擊法國人好傲慢，睇唔起韓國的流行音樂，仲認為法國人係嫉妒韓國，因為法國無出過一位全球都認識的藝人。