BIGBANG 10 THE CONCERT – ‘0.TO.10’ FINAL IN HONG KONG睇Show懶人包

BIGBANG 10 THE CONCERT – ‘0.TO.10’ FINAL IN HONG KONG睇Show懶人包

BIGBANG 成團10年,剛剛於韓國同日本嘅演唱會超成功,今次香港成為佢哋10週年演唱會嘅最後一站,仲係戶外show,作為粉絲的小編10,000個興奮,到時場面一定勁high勁好玩!如果你同小編一樣已經一票在手,就要留意呢個特別為大家而設嘅演唱會懶人包,等你於1月21及22日到東九龍郵輪碼頭廣場睇「 BIGBANG 10 THE CONCERT – ‘0.TO.10’ FINAL IN HONG KONG」時,可以舒舒服服咁睇show,出盡力Bang Bang Bang!

Presented by:ELF ASIA(Facebook: https://www.facebook.com/elfasia

01

02

03
仲有兩日就開show,超期待呀!

錦囊一:地圖篇

想去到演唱會當日「直抵場地而不失霸氣」,當然要熟知演唱會整個場地。東九龍郵輪碼頭廣場作為香港超大戶外表演場地之一,就等小編率先提供場地地圖畀你睇清睇楚,到時就唔會「蕩失路」。

04
睇定個地圖至出發,就唔會「蕩失路」喇!

錦囊二:交通篇

想玩得更盡興,梗係要揀啱交通工具喇!由於演唱會當日將由警方及運輸署作出特別道路封閉,現場一帶除許可車輛、公共巴士及公共小巴外,所有其他車輛將不准進入會場該路段。大會特別安排穿梭巴士,方便觀眾順利抵達現場。觀眾只需事前於http://elf-asia.eventbrite.com/登記,就可於油塘(茶果嶺道)、九龍塘(多福道)、尖沙咀(中間道)、美孚(荔灣道)、沙田(排頭街)或元朗(Yoho Mall II外)登上穿梭巴士直達會場,同時設有由北角碼頭開出的穿梭渡輪,照顧到從不同地區出發的朋友。而回程方面,主辦單位安排了穿梭巴士往油塘及九龍灣,亦有渡輪往北角,大家到時乖乖哋跟住大會嘅現場指示,就可以輕鬆離場喇!

05
細心的主辦單位特別安排了穿梭巴士及穿梭渡輪,記住出發前去 http://elf-asia.eventbrite.com/ 登記,及留意各路線的服務時間;而回程則無需登記。

錦囊三:入場安排

會場分咗唔同區域,主辦單位為了協助大家順利入場,到時將根據排隊編號安排觀眾分批進場,持票的朋友記住留意以下的進場時間:

06
留意番,當日排隊區將於上午11時開放,而最早的入場時間為下午2時,記住預留時間排隊呀!

 

錦囊四:守則及安排

想大家睇得開開心心,不想敗慶而歸,就要守守規矩了,所謂「各處鄉村各處例」,要做個乖乖的小朋友,遵守以下各項規則呀!

07
睇show前要留意呀~
08a
做個乖fans,睇埋呢啲守則!

錦囊五:表演時間表

小編為免大家遲了出發去排隊入場,再次溫馨提示一下各位粉絲表演時間。

09

錦囊六:飲飲食食

一早就入場睇Show,肚仔肯定會打鼓喇!小食站於上午11時便開放,並設有6個美食攤位,燒賣、意粉、韓式飯卷、果汁等中、西、韓美食應有盡有,趁 BIGBANG 未出場,要即刻去食定啲好嘢填飽個肚先得!另外,啟德郵輪碼頭內的茶餐廳、酒樓同西餐廳亦提供其他餐飲選擇供VIP們入場前聚頭。

錦囊七: BIGBANG 紀念品

難得嚟到呢個咁有紀念價值嘅 BIGBANG 十週年演唱會Final,就梗係要買幾件紀念品記住呢個珍貴的一刻!靜雞雞話你知有呢啲紀念品:必搶T-shirt!必搶T-shirt!必搶T-shirt!重要的要說3次!事關這件T-shirt特別印有香港場字眼,真係一定要珍藏!仲有好可愛的 BIGBANG Pouch,同埋同 BIGBANG 皇冠燈一樣咁靚嘅皇冠燈戒指,記住去搶!

 

10
當日嘅MD booth 會由11am開放至5:30pm, 大家記住預埋時間去搶購紀念品啦!

 

11
全場都係 BIGBANG 皇冠燈,氣氛超正呀!要買要買我要買!

YOU MAY ALSO LIKE ...