香港金曲頒獎典禮｜必睇5大精華 一貫懷舊風勁似《流行經典50年》
廣告
《香港金曲頒獎典禮2021/2022》是無綫同港台首次合辦，取代過去無綫《勁歌金曲頒獎典禮》及港台的《 十大中文金曲頒獎音樂會》。今日（24日）就在將軍澳電視城舉行，MIRROR因綵排演唱會而缺席，另外亦有不少香港歌手不在港而無法出席，因而被網民質疑《香港金曲頒獎典禮》的認受性及公平性﹗不過今晚順利舉行，一文睇返5大精華。
1. 劉德華現身為頒獎典禮揭開序幕
TVB特別邀請到劉德華主持揭幕儀式，獻唱《如果有一天》，以及同與一班年輕歌手合唱。其後劉德華用「香港金曲」獎座放在啟動台，為頒獎典禮揭開序幕。
2. TVB一貫懷舊風 似《流行經典50年》
一開埸頒完金曲獎後，欣宜表演得獎曲《先哭為敬》後就搵炎明熹（Gigi）表演鄧麗君《但願人長久》、譚詠麟的《愛情陷阱》，成個頒獎典禮都有TVB早前搞的《流行經典50年》的風格。
3. 勁多歌手缺席Supper Moment隔住個mon攞組合獎
勁多歌手都缺席都無嚟，Supper Moment喺內地開show，隔住個mon都照拎獎，照表演！相信今次呢個頒獎典禮出席的歌手應該係有史以嚟的頒獎典禮最少的一次。
4.鮑比達老師獲「香港金曲榮譽大奬」表演時菊梓喬閉目養神
鮑比達老師奪「香港金曲榮譽大奬」，亦有在台上同一班音樂人即場表演，台下歌手們都聽得非常投入，唯剛好鏡頭就捕捉到菊梓喬合埋咗眼，即俾網民質疑佢係咪瞓咗，不過有網民就指只係聽得太陶醉。
5. 曾比特拎新人金獎撼贏MC
曾比特2019年参加ViuTV節目《全民造星II》，當時只拎咗第8名，而MC張天賦就拎咗亞軍。而曾比特今次喺《香港金曲頒獎典禮2021/2022》就成功撼贏咗MC張天賦拎到新人金獎，不過曾比特喺viutv的年度新人金、銀銅都未能獲獎。今晚曾比特都未能出席，同樣係隔住個mon表演。
圖片來源：香港電台網站，《香港金曲頒獎典禮2021/2022》截圖
