陳奕迅演唱會2022丨細數尾場3大精華位 粉絲驚喜變「欣宜」全場大合唱?

音樂

廣告

陳奕迅《Fear and Dreams》27場紅館演唱會昨日(14日)終於嚟到最後一場。今場除咗有太太徐濠縈及女兒陳康堤繼首場之後再嚟支持外,亦有唔少嘉賓捧場如關智斌、梁漢文、彭秀慧、劉浩龍、Aga以及林家謙等。一文睇尾場3大驚喜位!

陳奕迅演唱會 陳奕迅
(圖片來源:陳奕迅《Fear and Dreams》提供)
陳奕迅演唱會 陳奕迅
(圖片來源:陳奕迅《Fear and Dreams》提供)
陳奕迅演唱會 陳奕迅
(圖片來源:陳奕迅《Fear and Dreams》提供)
陳奕迅演唱會 陳奕迅
(圖片來源:陳奕迅《Fear and Dreams》提供)

精華位1. 尾場粉絲全場大合唱《天下無雙》

嚟到尾聲,粉絲極有心諗住送驚喜俾Eason,入場前係場外派發應援橫幅,約定場內觀眾喺Eason唱完《我們萬歲》時候的talk環節時,留意會有3聲哨子響聲,然後齊齊舉起應援橫幅,大合唱《天下無雙》送俾Eason,仲細心係應援橫幅中擺放《天下無雙》的歌詞俾大家睇住嚟唱。搞到Eason超驚喜,當時Eason因散光睇唔清橫幅上的照片,仲以為係粉絲嚟舉欣宜的相,引全場發笑。Eason非常錫粉絲,唔忍心粉絲又洗咁多錢,非常多謝粉絲呢個驚喜。

陳奕迅演唱會 陳奕迅 尾場氣氛熱烈
尾場氣氛熱烈(圖片來源:陳奕迅《Fear and Dreams》提供)

精華位2. Encore環節唱足6首歌女兒感動落淚

尾場Eason緊係令粉絲滿載而歸,尾場Encore環節唱足6首歌,先按年份唱出2022年新歌《人啊人》,第2首《暴歾天物》,第3首《大個女》,第4首《單車》,第5首《人來人往》,第6首《歌頌》。去到第4首《大個女》時,台下女兒康堤更一度感動落淚,呢首歌係04年康堤出世時Eason特意製作送俾個女的禮物。Eason完騷時接受訪問表示,好開心個女終於長大,領略到歌詞意思,所以觸動流淚!

陳奕迅演唱會 陳奕迅
(圖片來源:新monday編輯部)
陳奕迅演唱會 陳奕迅
(圖片來源:新monday編輯部)
陳奕迅演唱會 陳奕迅 台下女兒康堤更一度感動落淚
台下女兒康堤更一度感動落淚(圖片來源:陳奕迅《Fear and Dreams》提供)
陳奕迅演唱會 陳奕迅 台下女兒康堤更一度感動落淚
台下女兒康堤更一度感動落淚(圖片來源:陳奕迅《Fear and Dreams》提供)

精華位3. 感謝音樂人 以《單車》《歌頌》結尾

點解會揀Encore唱《單車》,Eason表示佢真係有留意早前音樂平台搞咗一個「Eason’s 100 Hits 陳奕迅熱歌榜」活動,引嚟過百萬網友進行投票,揀出最想聽的歌曲,《單車》就以597.5K成功拎到第一名,佢就係尾場唱俾大家聽。而最後Eason好感激出道以嚟一直遇到好多唔同的音樂人,唔係佢哋演唱會只會變成talk騷,表示之前張繼聰嚟聽睇嗰場本身想唱返佢張繼聰編曲的《防不勝防》俾佢聽,可惜當日把聲唱唔到。再帶出尾場都有唔少音樂人嚟支持佢,如果唔係佢哋,唔會有咁多好歌唱俾大家聽,表示都係有好的上一代,先可以成就到而家的佢,強調「承傳」呢2個字,最後以林夕作詞的《歌頌》向佢地致敬,仲叫大家拍手拍到要俾林夕聽到。

陳奕迅演唱會 陳奕迅
(圖片來源:陳奕迅《Fear and Dreams》提供)

關鍵詞
陳奕迅
圖片來源:陳奕迅《Fear and Dreams》提供, 新monday編輯部資料或影片來源:youtube@Eason Chan