譚仔女團丨出Hip Hop新歌衝擊樂壇 特辣歌喉勁過Big Bang
廣告
2021年出道的譚仔女團，一出道就搵嚟林家謙同6位姐姐組成的「女聲合唱團」唱譚仔25周年主題曲，最近再推出Hip Hop新歌，勢要衝擊全球樂壇！今次再搵嚟強勁音樂製作班底打造新歌，歌曲火辣程度爆燈，collar女團經理人wing都接示：「今年有勁敵！」
譚仔女團製作團隊強勁 勢要勁過Big Bang
譚仔雲南米線（譚仔）推出的「譚仔女聲合唱團」(譚仔女團)去年正式出道，一出道就連同林家謙合唱「譚仔廿五周年」主題曲《二十五小》，由「大埔超級城店店長」玲玲姐（隊長）、「天水圍天盛店副店長」彩燕姐 （副隊長）、「區域經理」英姐、「油麻地店店員」丹琪姐以及「馬鞍山頌安店店員」妮妮姐組成，當時已大獲好評。今年4月14日再次推出Hip-hop新歌，今次新歌製作班底強勁，搵嚟冠軍音樂班底李一丁以及鄧東成EAST CITY等音樂人製作，2人曾參與Mirror成員Anson Lo的《Megahit》以及熱爆全城的MC $oHo & KidNey《係咁先啦》。除此之外，仲同紐約的音樂單位合作，淨係睇製作人馬都知唔少嘢！
Collar女團經理人Wing：「今年有勁敵」
上次合作過的林家謙亦指：生力軍金獎！
女團突破自己：「天水圍Lisa」
譚仔女團認為追夢就要不斷突破自己，所以事隔半年新歌挑選hip-hop類型，展現女團魅力！今次歌曲夾雜住英文rap詞，非常考起姐姐們，但姐姐又會點被難到，非常努力練習，希望為香港人帶嚟一首共鳴又正能量爆崩的新歌！鄧東成仲表示彩燕姐係「天水圍Lisa」：「她rap時感情澎湃如滔滔泉水連綿不絕，卻形象依然保持冷艷高貴的氣質，令我想起Blackpink的Lisa。」唔知譚仔口音加埋hip-hop又會產生點樣的火花？！真係好令人期待！
圖片來源：譚仔雲南米線提供, ig＠bwingtai, ig＠terencelam0903資料或影片來源：譚仔雲南米線ig
