湯令山Gareth.T新歌《孤單》歌詞寸到連登仔無嘢好講！
廣告
近年香港樂壇多咗唔少新面龐，被譽為「樂壇潛力股」全能型唱作人的湯令山Gareth.T，出道無耐已圈粉無數，拎晒獎又搞埋個人騷，姜濤都大讚係佢最愛的新世代音樂人。一年先出得1首港東歌的Gareth.T，最近新一年無耐即出一首新歌〈孤單〉備受熱討，不過連登仔聽完就喺討論區大鬧，事關歌詞寸爆連登仔？！
Gareth.T新歌搵埋林子祥玩hip hop
Gareth.T新歌〈孤單〉除咗自己作曲填詞創作之外，作曲仲搵嚟樂壇重量級前輩林子祥，新歌一出即上youtube音樂熱門，唔少人都留言大讚好聽「so cool！」「真係好鍾意湯令山，可以將香港80-90年代風格mix 美國R&B 加hip hop，歌詞好有同感。 仲有一班有文化的音樂人用心製作高質素音樂。好感動。」「鬼才」「真心！好正！大癲，超鍾意，歌詞有深度！」「你真係好有才華」〈孤單〉除咗曲風好聽之外，網民都留言到其歌詞似乎係有嘢想表達！
網民分析《孤單》意思
網民分析〈孤單〉一曲歌詞「呢首歌好有態度好有角度。呢首歌好明顯係有嘢要講而出的歌，而唔係為奬跑數而出的個種平淡無奇的歌。個祖傳芝麻糊好有畫龍點睛的作用，所謂“發明的傳統（The Invention of Tradition）”。最後被主事人婆婆自我踢爆，但係舗頭前面班人仲係到為正統、名利、話語權你爭我奪，說到底香港仍是一個擦存在感的孤單城市！」
寸中連登仔 討論區起罵戰
而歌詞中有句「喺連登刷緊存在感希望你寫走孤單」就引嚟連登仔喺連登討論區起罵戰，捉住Gareth.T喺《叱咤樂壇2022》頒獎典禮失準的事，又話首歌唔開字幕聽唔到佢唱乜。「好x難聽，hip hop黎講佢算係好難聽」「完全聽唔到唱咩 sorry」「首歌寸緊啲口臭x」有連登仔就反而大讚Gareth.T有性格，MV真係拍得好好睇，而且無可厚非地認同係事實「老實講佢呢款fk boy type真係幾有特色，雖然唔算靚仔但都濕濕地」」「多謝Gareth寫出我心聲」「覺得幾好聽」
圖片來源：youtube＠ Gareth.T資料或影片來源：youtube＠ Gareth.T
