叱咤樂壇2022|5大精華姜濤大叫暴走 歌手全失準 網民:我聽緊咩

音樂

廣告

《叱咤樂壇流行榜頒獎典禮2022》今年於2023年1月1日頒2022年的樂壇成績表,無論係眾歌手以及網民都非常關注此盛事。一文睇晒頒獎典禮5大精華。

1. COLLAR出事後首次合體

《叱咤樂壇流行榜頒獎典禮2022》一開始打頭陣表演就搵嚟collar出嚟勁歌熱舞。女團COLLAR成員So Ching的男友阿Mo李啟言被巨型屏幕壓傷後,So Ching一直停工照料男友,8人今日終於首次合體出席活動,唱出第一首團歌《call my name!》

叱咤
(圖片來源:《叱咤樂壇流行榜頒獎典禮2022》截圖)
叱咤 So Ching唱歌時引現場轟動
So Ching唱歌時引現場轟動(圖片來源:《叱咤樂壇流行榜頒獎典禮2022》截圖)
叱咤 久未露面的So Ching換了一頭黑髮
久未露面的So Ching換了一頭黑髮(圖片來源:《叱咤樂壇流行榜頒獎典禮2022》截圖)

2. 個個表現都失準 Gareth.T 「喊住唱」

現場唱live的關係,有唔少歌手都有失準,而Gareth.T因《笑住喊》拎咗「專業推介.叱咤十大」的第八位,即場表演《笑住喊》略有失準,就被網民取笑Gareth.T因應歌曲而「喊住唱」。而且未知係咪未有準備的關係,甩漏不少。相對陳蕾、mc以及大獎得主林家謙的表現就被網民大讚勁穩,特別係mc唱《小心地滑》,難度較高,但亦唱出一定水津。

陳卓賢今晚表演亦比平日失準:

3. 姜濤瘋狂暴走 網民:佢做緊乜?

姜濤因《鏡中鏡》獲得「專業推介.叱咤十大」的第四位。不知係咪因為姜濤因腳傷後久未出席表演,表演得獎歌時今次特別興奮,衝出舞台到台下狂奔,不斷大叫「let’s go」「I’m back!」不過姜濤此舉似乎引嚟唔少網民的不滿「當左自己個唱,個場係自己咁?」「佢唱緊乜」「到底發生過什麼事?」

4. 艾粒扮《first love》

艾粒搞笑扮最近大熱日劇《first love》,仲改歌詞翻唱翻紅宇多田光的《first love》,非常幽默。

叱咤
(圖片來源:《叱咤樂壇流行榜頒獎典禮2022》截圖)

5. 林海峰以「正義迴廊」出場

今年同樣由林海峰頒叱咤樂壇我最喜歡男歌手,出場時幽默「配音」最近大熱電影《正義迴廊》。

圖片來源:商業電台 Hong Kong Toolbar資料或影片來源:商業電台 Hong Kong Toolbar