《十大中文金曲》周柏豪奪金曲獎及男歌手金獎網友：佢憑咩呀？

Jan 17 2021

《第43屆十大中文金曲》今晚（16/1）以特備節目形式公布得獎名單，各個獎項都全部頒發，而今年「十大中文金曲」周柏豪憑歌曲《劫後餘生》分別奪得金曲獎及男歌手金獎，不少網友紛紛鬧爆，仲在香港電台的社交網上留言：「乜佢有派歌咩？」、「佢憑咩拎男歌手？」

撰文：八卦妹｜圖片來源：《第43屆十大中文金曲》截圖

《十大中文金曲》周柏豪奪金曲獎及男歌手金獎

《第43屆十大中文金曲》昨晚就已圓滿結束，各個獎項都已全部頒發，四大天王之一的黎明，就與麥浚龍合唱一曲《忘記和記》而相隔20年再奪金曲獎，至於今年「十大中文金曲」的男歌手金獎，就由周柏豪憑歌曲《劫後餘生》擊敗兩大人氣王許廷鏗及姜濤而奪得，且還奪得金曲獎。

【十大中文金曲】得獎名單 Anson Lo盧瀚霆擊倒隊友奪新人金獎周柏豪奪男歌手金獎

《十大中文金曲》周柏豪奪男歌手金獎後感言：唔想2020年咁快完！

大會宣布周柏豪奪男歌手金獎後，畫面上就看到身穿全藍色西裝的周柏豪，而周柏豪亦在發表感言時，指不想2020年就此完結：「我覺得已經嘥咗好多時間，乜都做唔到，我好想珍惜埋剩低嘅時間，盡量去做好每日要做嘅事。依家經歷緊嘅嘢都係事實，冇得話踏入2021年所有嘢就會回復返正常。」其後，他又表示：「對於我嚟講，過往有啲位未盡晒我嘅能力去做，我覺得我自己可以再做好啲。所以2020年係學到呢樣嘢，有少少醒覺，我有啲嘢係未夠好。」語畢，周柏豪就演唱前年的作品《讓愛高飛》。

網友留言大鬧：佢憑咩拎男歌手？

當大會公布男歌手金獎是由周柏豪奪得後，有不少網友紛紛在香港電台的社交網上留言大鬧：「甘都拎到男金，比人笑死香港冇人識唱歌」、「周柏豪咁既質素都拎金獎，港台是在侮辱華語歌曲嗎？」、「男歌手金獎真係令人無言，聽到個名即刻要轉台！」、「五音不全+老牛聲+冇作品+不受歡迎…都男金?」、「何得何能？」、「佢今年究竟唱咗咩歌呢？」、「仲要唱個首係2019年派台嘅歌」、「憑乜野拎男歌手！」