五月天演唱會︳巴黎直播網民反以3點捉到真唱假唱分別？粉絲力撐：係情懷！

五月天巴黎演唱會︳網民3大點捉到真唱假唱分別？

唔少粉絲真係零晨3點睇五月天的巴黎演唱會，雖然都有唔少人大讚五月天，但反指從今次直播睇得出同之前演唱會的分別！

第1，覺得聲音明顯唔同「今次真唱同之前既聲真係有分別喎」「降左唔知幾多度嚟過關」「今日好似唱慢左」「唱盛夏光年幾大分別」第2，網民搵到阿信個嘴型唔同咗「其實都好明顯，真唱個嘴形自然小小，假唱個嘴尖到成個小夫咁」第3，連姿態都唔同啲「真唱既話膊頭會係咁拉起發力」「假唱果陣又跑又跳，真唱就企定定 唔敢郁」「平時香水段rap 佢會係咁係到跳 又烏低身。今日唱得好集中 好專注 擺明真唱」「平時假唱嗰陣做嘅大動作冇晒」

不過都有網民力撐五月天真係唱到CD咁「好好聽」「真唱和平時沒有分別」「謝謝五月天」「聽得出呢一場佢地好努力」「一定係水準以上」

五月天巴黎演唱會︳內地網民不滿：簡直可以稱為車禍

內地網民似乎對於五月天的巴黎演唱會直播都唔太滿意，認為真唱好大分別之餘，無說服力，仲形容今次似車禍現場！「現場缺少了蹦跳，看看跟之前的對比吧，這種簡直可以稱為車禍，高音一個沒上去」「回去看過去演唱會粉絲拍的那幾首的視頻，簡直天壤之別」「這次就站直了還大喘氣，高音差點沒飆上去」仲有內地網民唔捉阿信假唱，就指怪獸假彈，指手指無掂到弦。都仍有網民大讚五月天有勇敢面對事件，真唱有瑕疵係好正常。

五月天巴黎演唱會︳網民撐五月天：入場其實都係為咗個情懷

有網民認為五月天真係開得太多場，令佢哋無辦法有時唔用墊底聲，入場其實都係為咗個情懷「睇過咁x多場，今日先真係全真唱，近幾年都覺得比佢水咗， 總有4-5首明顯咪嘴。其實大家都知， 連續十9幾場，佢哋仲邊有聲，入場都係買個情懷」「佢開得太多場 平均幾日就一場太貪心，平時似係想偷下懶半真半假咁hea過去，今次之後逼到以後場場都要真唱唔知仲捱唔捱到」「唔好開咁密應該會好好多」「唔知佢地經濟壓力係咪咁大，寧願佢哋開少啲場次唞多啲」