柳應廷Jer拍《砂之器》MV靠家人爆喊 新歌暗藏彩蛋同《狂人日記》有關?!

柳應廷Jer拍《砂之器》MV靠家人爆喊 新歌暗藏彩蛋同《狂人日記》有關?!

柳應廷(Jer)繼在本年三月推出歌曲《狂人日記》後,昨日(16/7)終再度攜手「狂人班底」小克、王雙駿,推出「重生系列」二部曲《砂之器》。Jer表示新歌以親情為題,希望提醒聽眾珍惜眼前人:「同家人相處難免會有不愉快,我哋係咪可以主動踏出一步、講一聲對唔住,去緩和雙方關係呢?唔好等到錯過,先學識珍惜身邊人。」

撰文:八卦妹|圖片來源:大國文化

(圖片來源:大國文化)
(圖片來源:大國文化)

新歌《砂之器》暗藏彩蛋與《狂人日記》有關連

MIRROR夏日企劃第二擊登場!繼盧瀚霆(Anson Lo)後,成員柳應廷(Jer)再度攜手「狂人班底」小克、王雙駿,推出「重生系列」二部曲《砂之器》,歌曲講述前世情人約定來生以母子相見,即使角色更改、但血脈相連,Jer透露新歌暗藏小巧思:「歌曲前奏其實都係緊接《狂人》尾段,希望用少少嘅承接去串連成件事。」

(圖片來源:大國文化)
(圖片來源:大國文化)
(圖片來源:大國文化)
(圖片來源:大國文化)

全靠家人打開淚腺 在MV中爆喊

有別於上次的瘋狂演繹,Jer笑言今次MV比較「貼地」,劇情亦偏向生活化,其中與失智母親上演的親情戲碼,令他直呼難忘:「MV最後一幕,講到失智嘅媽媽做住一啲好愛我嘅事情,望住佢嘅背影,我有好多後悔,所以我要喺凝結嘅空氣下同佢道歉。其實無聲嘅『對唔住』威力最大,我都培養咗好耐情緒,先做到嗰個感覺。」提到MV當中一幕喊戲,Jer亦坦言全靠家人打開淚腺:「當日我真係諗住自己嘅媽媽,最近因為工作,少咗返屋企,冇見一排發現佢嘅白頭髮同皺紋都多咗;所以拍攝時代入真實嘅畫面,就好容易喊得出。」

(圖片來源:大國文化)
(圖片來源:大國文化)
(圖片來源:大國文化)
(圖片來源:大國文化)

 

冀MV呈現電影感

向來被視為團隊的「品質保證」,Jer認為歌曲和MV有著千絲萬縷的關係,開拍前亦不時與導演開會,希望呈現電影感:「平時聽歌除咗專注喺音樂上面,我覺得畫面都好有幫助,點樣透過鏡頭引導觀眾思考,又要喺短短四分零鐘帶出訊息、講故事,其實真係好難,所以事前都要同導演傾劇本;另外我都有提早到場,睇下大家嘅演出,希望可以將佢哋嘅感覺,放喺自己嘅角色入面。」

(圖片來源:大國文化)
(圖片來源:大國文化)
(圖片來源:大國文化)
(圖片來源:大國文化)

 

https://youtu.be/aptD-vs937c

YOU MAY ALSO LIKE ...