TVB女主持深情凝視MC張天賦 連登仔速刮IG：身材幾正！
TVB女主持深情凝視MC張天賦 連登仔速刮IG：身材幾正！
早前一位TVB女主持在訪問MC張天賦期間，全場深情凝視著MC，雙眼就好似瘋狂射出無限愛意一般。訪問臨近屈聲時，呢位女主持都終於忍唔住，直接細細聲在耳邊問MC能否合照，最後終於如願以償，獲得合照一張仲post埋IG。
連登仔速刮IG
雖然該名女主持戴住口罩，但連登仔的搜索能力都唔講得笑，不消一會已經刮到呢位女主持的IG出來，原來是有份參與《2022年香港小姐競選》的張靜婷Janice Cheung，仲曾被譽為「爆粗港姐2.0」。訪問MC當日都著齊港女戰鬥格裝扮，One Piece緊身短裙再加上長Boot，笑到四萬咁口企在MC身邊合照。
身材出眾 IG大派福利
張靜婷身材相當唔錯，身高標青之外亦擁有前凸後後翹的身形，不時都在IG上又騷上圍又展露長腿，相當煞食。不過有網民則認為Janice除罩之後一般般，直言「戴住個罩正好多」。
被爆係「爆粗港姐2.0」
不過張靜婷都曾被爆出多宗黑歷史，她被踢爆是「粗口港姐」，有疑似是她的facebook戶口「Janice Cheung」，經常用英文粗口留言鬧人，其中2011年5月21日留言「What the fxxk」，又靈活運用中文粗口：「再講我真系（係）吾（唔）Ｘ忍啦，做乜Ｘ野（嘢）成Ｘ日討論我啊？靚女們」，留言日期為2010及2011年，但該facebook戶口已於2018年停用，未知是否真的屬於張靜婷15、16歲時的留言。張靜婷現亦為模特兒及網誌作家，而她的IG帳號，當中未見粗口留言，大部份都是分享生活日常及水着照片。
&feature=youtu.be&ab_channel=TVB%28official%29
曾是選美常客
張靜婷都是選美常客，現年27歲的她今次已第二度參選港姐，早在19歲時已參加過港姐面試，可惜沒有入圍。她23歲時亦參選過《2018亞洲小姐競選》，更打入香港區十強。
張靜婷被指加工歡迎搵醫生驗證
張靜婷在出席港姐記者會上，被問到有網民質疑她曾「加工」 ，她強調自己純天然，歡迎搵醫生驗證，並指自己的鼻哥是真的。TVB安排了陳凱琳（Grace）跟應屆佳麗見面，分享9年前選港姐的經驗，《東張西望》亦有播出當日的情況，訪問了陳凱琳和一眾佳麗，張靜婷提到遭網民批評是「加工」 樣時，她一度不開心想喊，不過張靜婷會以師姊陳凱琳作借鏡，她說：「可能我個樣比較精緻，好似整過，但就冇，所以都好開心佢哋咁講。唔整，外界都覺得我眼耳口鼻都整過，都開心嘅。加上當年Grace都比人詬病過，無可避免，我已經習慣。」
