《PTU》︳杜sir經典背後一塊紗布包足3年 10日內減肥
廣告
杜琪峯執導的經典作品《PTU》，由任達華、邵美琪、林雪同黃卓玲主演。大家都知杜sir出名拍戲喜歡邊拍邊做劇本修改，《PTU》一拍就拍咗3年，當時為因小本製作，演員一有檔期就埋位拍，搞到因為要連戲演員都付出唔少代價，一齊重溫《PTU》拍攝內幕。
林雪頭頂塊紗布包到臭
林雪於電影一開始就俾「馬尾」的手下打到頭部受傷，需要包紮紗布同綿花。但因為電影拍足3年，為求連戲，唔想血跡位置唔同，所以林雪頭上呢個紗布一包就包足3年，3年都係用同一塊紗布，完全無洗，搞到已經臭晒，發出濃烈的氣味。林雪都表示拍到最後一日，確定唔會補戲後即將紗布拋棄，以洩心頭之憤咁話！
最勁一晚跣低咗40次
電影講到林雪有2場戲跣低，第一次跣低足足拍咗個幾鐘，跣咗40幾次，而且因為要影到跣落地嗰下，所以唔可以用墊，要真係跣低硬食。林雪跣極杜sir都唔收貨，最後因林雪話不如自己成個人抽起反彈再跌落地，呢一跣先一take過收貨，不過都因為咁搞到林雪都真受傷，要3個月先醫好。
邵美琪為連戲10日內減肥
因為拍《PTU》拍咗3年的關係，身形上難免有啲轉變。邵美琪當時因身形變得豐滿，制服無咁啱身而唔連戲，杜sir即嬲爆，就下令全組人一齊即停工10日，要邵美琪10日內還原身形，無飯食！邵美琪仲指話因為咁要學任達華學習，將自己時刻都保持係最佳狀態。
圖片來源：《ptu》
