Marvel︳全體復活救亡？原班人馬再拍新《復仇者聯盟》網民：搞好個劇本先啦
廣告
Marvel︳Marvel電影喺全球可謂曾風靡一時，《復仇者聯盟4》全球票房收益達27億美金，人人爭住入院睇。不過自大作《復仇者聯盟4》之後，開始出現滑下坡的跡象，近年票房失利，口碑都十分之一般，竟連重量級《奇異博士2》及《雷神4》都負評滿滿。Marvel為咗應付呢個窘境，近日傳出會搵嚟「初代復仇者」回歸救亡！
Marvel︳「初代復仇者」全體復活救亡票房？
根據外媒報導，Marvel有意搵返6位「初代復仇者」陣容，再製作一部《復仇者聯盟》的新電影，匯集美國隊長、Iron Man、雷神、Hulk、黑寡婦同埋鷹眼，即係已經喺MCU逝世的Iron Man、Black Widow、Captain America等角色將全體復活。原本喺MCU第6階段，2部復仇者聯盟電影即將上映，分別係《Avengers: The Kang Dynasty》、《Avengers: Secret Wars》，介紹新的超級英雄團隊，似乎新的復仇者陣容狀況仍顯得不確定。
外媒唔睇好：不如創作更好的劇本好過搵返原班人馬
雖然多元宇宙盛行，要復活並唔係大問題，不過就需要高昂的片酬同埋票房分潤。外媒提議現正面臨虧損的 Marvel Studios，似乎應該考慮創作更好的劇本好過搵返原班人馬救亡。而且黑寡婦亦曾表示佢唔係太想回歸“Chapter is over. I did all that I had to do.”
網民：Marvel終於醒覺 新嗰批邊有人睇
雖然外媒唔睇好呢件事，但香港網民就似乎幾支持，認為Marvel Studios呢個係一個明智的決定「算係醒，而家除咗spiderman，doctor strange 可以吸引到人其他真係FANS 先睇」「因為啲主角同出名嘅角色都拍哂，二線角色無人識」「而家係玩爛咗 想搵返人氣角復活救亡，復仇者4之後好多垃圾，蜘蛛仔同銀河守衛隊我覺得好睇」亦有網民非常認同係劇本問題「太左啦，套套都變晒女英雄」「玩女權玩到出曬火」「除咗rdj回歸外，有質素嘅劇本同導演都好重要」「重點係個劇本真係好行貨」
圖片來源：復仇者聯盟
