Marvel女性超級英雄角色彈起 網民大呻話女人不及男人

電影

廣告

一向由男性為主導的超級英雄電影,近年打破壟斷局面轉為由女性超級英雄擔大旗,單單MCU第四階段 7 套電影中就已經有5套作品有女性超級英雄的蹤影在內,包括:黑寡婦、永恆族Sersi、緋紅女巫、神威雷神,以及新一代黑豹Shuri。女英雄的世代似乎已經來臨,但有部分網民不太受落,仲喺討論區出文力數!

Marvel, 女超級英雄, 黑豹 Marvel
(圖片來源:《黑豹2:瓦干達萬歲》劇照)
Marvel, 女超級英雄, 黑豹 Marvel
(圖片來源:《奇異博士2:失控多元宇宙》劇照)

連登仔呻女人唔適合做超級英雄嘅角色

近日有連登仔出文話:「女人其實真係好唔適合做超級英雄嘅角色」,仲提到新一代黑豹Shuri「似黑貓多個黑豹」,而原因就有以下 3 個:

Marvel, 女超級英雄, 黑豹 Marvel
(圖片來源:《黑豹2:瓦干達萬歲》劇照)

1.女性身形不及男性健壯

樓主就話超級英雄的感覺一定要「威猛、霸氣、無敵、戰無不勝」,而且要「高大,健壯,陽剛」,更話:「只有男性既身型先畀到呢啲感覺,搵女性做依啲角色永遠都會有種違和感,不拹調」,直指女性身形同體態與超級英雄並不相稱。

Marvel, 女超級英雄, 黑豹 Marvel
(圖片來源:《雷神奇俠4:愛與雷霆》劇照)

2.女英雄與男性反派比較欠氣勢

樓主又提到即使女演員認真接受重量訓練,極限都有限,面對男性反派依然輸蝕:「最多都係去到wonder woman嗰種,黐埋去啲男性反派嗰度根本完全唔起眼」、「男人先做到嗰種令人屈服既外表身型」。

Marvel, 女超級英雄, 黑豹 Marvel
(圖片來源:《復仇者聯盟4:終局之戰》劇照)

3.為多元文化,使劇情欠合理性

樓主又指以往正氣英雄係男人先啱做,加入更多女英雄只係配合多元文化:「一直以來寫啲女性超級英雄出嚟,其實都係為咗扮吓多元,事實上根本唔合理」。

Marvel, 女超級英雄, 黑豹 Marvel
(圖片來源:《復仇者聯盟4:終局之戰》劇照)

女英雄未必同樣靠肌肉身型

不過都不少有網民指樓主出Post引戰,仲舉返啲出色女英雄的例子反擊:「咁Eternals Angelina Jolie做嘅Thena都唔差」、「Cate Blanchett嘅Hela好X型」、「古一好型吓」,亦指出超級英雄未必需要肌肉先至夠氣勢,有壓場感反而更重要。

Marvel, 女超級英雄, 黑豹 Marvel
(圖片來源:《永恆族》劇照)
Marvel, 女超級英雄, 黑豹 Marvel
(圖片來源:《雷神索爾3:諸神黃昏》劇照)
Marvel, 女超級英雄, 黑豹 Marvel
(圖片來源:《奇異博士》劇照)

圖片來源:Marval劇照