喪屍片經典《28日後》20年後推出第3部曲《28年後》！構思未來的喪屍？
廣告
2002年上映的《28日後》（28 Days Later）經典英國喪屍片，首部識跑喪屍先驅，近日宣布回歸，推出「續集三部曲」－《28 年後》（28 Years Later）！多年後再推出續集除咗結集最強班底之外，仲會全面升級！
喪屍片始祖原班人馬回歸開《28 年後》
據外媒報導，恐怖經典英國喪屍片《28日後》宣布將會開拍「續集三部曲」，導演Danny Boyle以及導演兼編劇Alex Garland再次聯手重聚開發一套全新的喪屍片《28 年後》（28 Years Later），而當時2007年上映的《28週》雖然係《28日後》的續集，但係2人只係擔任該電影的監製，所以今次絕對係原班人馬回歸！
全面升級！構思一個遙遠未來的喪屍片
《28 年後》將會全面升級，今次電影製作預算為7,500 萬美元，比起第一部曲《28日後》800萬美元相差甚遠，而且根據Alex Garland訪談時爆料，《28 年後》的構思將會設定係一個遙遠未來的喪屍片，睇嚟今次又將會為電影界再次開啟一個全新的喪屍世界！
《28日後》喪屍識跑先驅
《28日後》（28 Days Later）由《奧本海默》主角Cillian Murphy主演，電影一開場就講述佢喺一場事故醒返，發現英國竟然變成咗一個荒涼、世界末日般的喪屍城市，繼而再講述主角點樣生存同面對。《28日後》係第一部喪屍識跑的先驅作品，以前的喪屍都係行動遲緩為主。
粉絲：廿八年後再一起
唔少粉絲都非常期待等咗成20幾年的經典續集，仲笑指導演係咪故意想等到真係28年後先上映，所以而家先決定開拍！仲有粉絲搞笑指第4部係咪要叫280年後「好期待，前面2套都各有特色，第2集一開始成家係小屋食飯個場戲氣氛一流」「第4集叫乜名好」「280年後」「28世後」「28月後都未拍」「由小學等到而家變中佬」「呢個系列真心好好睇」「現代喪屍片嘅始祖！」「Cillian Murphy都做埋影帝」「廿八年後再一起」
圖片來源：28 days Later、28 Years Later
