盤點10大難忘港產片咀咀片段 網民:以前啲吻戲睇到面都紅晒!
10.《幻愛》
由劉俊謙蔡思韻主演周冠威執導的《幻愛》,2020上映講述患有精神分裂症的劉俊謙遇到心理輔導員蔡思韻的香港愛情電影。網民認為佢哋的接吻場面非常令人難忘。
9.《叔·叔》
2020年由楊曜愷執導,袁富華同太保主演的《叔·叔》,故事講述兩位大半生受盡傳統社會的規範與約束的同性戀愛情故事。電影袁富華同太保的親密咀咀場口真係令人非常難忘!
8.《旺角卡門》
王家衛執導的第一部電影,由劉德華、張曼玉、張學友主演的《旺角卡門》。電影中劉德華同張曼玉喺電話亭中激吻的畫面令人心跳不已,唔少網民睇返都話正,仲話對比返而家港產片的吻戲反而比以前更內斂。
7.《天若有情》
由陳木勝執導,杜琪峯監製,劉德華、吳倩蓮、吳孟達和黃光亮主演的經典電影《天若有情》,2人喺著住婚紗咀咀一幕成為華語愛情電影中最經典的一幕。劉德華同吳倩蓮因為呢套電影當時紅到衝出香港,喺韓國足足上映咗9個月,劉德華仲因為咁連續3年拎咗韓國觀眾票選的「最受歡迎巨星」。
6.《金枝玉葉》
1994年由陳可辛導演,張國榮、袁詠儀、劉嘉玲主演的《金枝玉葉》,故事講述女扮男裝的袁詠儀同張國榮的愛情故事。袁詠儀同張國榮喺電梯情定一刻,既激動熱吻又自然的畫面相信而家睇返都覺得好正。張國榮於電影中自彈自唱〈追〉亦令不少觀眾至今仍在回味。
一齊睇埋歌:
5.《縱橫四海》
1991年由吳宇森執導,周潤發、張國榮、鍾楚紅主演的《縱橫四海》,單睇主角組合張國榮、鍾楚紅已經夠吸引,哥哥當時仲要接住「大美人」紅姑塊面錫落去,少女心大爆發。
4.《西遊記大結局之仙履奇緣》
1995年由劉鎮偉執導,周星馳、朱茵同羅家英主演的《西遊記大結局之仙履奇緣》。周星馳同朱茵當時仲因為呢套電影傳出緋聞,指2人假戲真做。
3.《春光乍洩》
1997年王家衛執導,張國榮與梁朝偉主演的《春光乍洩》,講述一對男同志喺阿根廷的愛情故事。呢套經典作品仲令1997年王家衛獲得坎城影展最佳導演獎,係首位獲得呢個獎項的華人導演。張國榮同梁朝偉電影中精彩的演出同親密片段相信大家都會一致認同難忘致極。
2.《大丈夫》
2003年由彭浩翔執導,曾志偉、陳小春以及杜汶澤主演的《大丈夫》,故事講述4個老婆奴計劃偷食的電影。電影尾段講到曾志偉逃避老婆們的追捕時遇到多年無見的中學同學肥媽,2人「360度吻戲」令網民難忘。
1.《家有囍事》
1992年由高志森執導,張國榮、周星馳、黃百鳴、張曼玉、吳君如及毛舜筠領銜主演的賀歲片《家有囍事》,當時星爺同張曼玉的巴黎鐵塔反轉再反轉簡直係無人不曉啦!