金馬獎2024︳紅地氈造型率先睇！余香凝fit爆性感登場 林青霞都嚟埋！
廣告
2023年《第60屆金馬獎》於今日11月25日舉行，今年多部港產片提名，鍾雪瑩、余香凝仲有份角逐金馬影后，一齊率先睇吓金馬獎星光大道紅地氈！
金馬獎2023︳頒獎嘉賓袁澧林全白色出場 柯煒林似體育老師
《第60屆金馬獎》第一位香港藝人出場係以頒獎嘉賓出席的袁澧林！袁澧林被形容為文青女神出場，主持人仰大爆原來某節目主持人曾經要求袁澧林的聯絡方式添！今晚袁澧林以全白色禮服登場，比起平日今晚似乎比較保守。而同行的柯煒林造型似乎就比較出事，有網民指柯煒林套衫奇怪，似《長江7號》的體育老師。
金馬獎2023︳頒獎嘉賓林志玲凍齡登場
結婚後不經常露面的林志玲今次都有出席《第60屆金馬獎》。已經48歲的林志玲仲係美豔動人，凍齡有術，唔少睇直播的網民都大讚志玲姐姐真係好美！「都幾歲了這樣超美好嗎」「林志玲唔識老咁 仲係好靚」「超fit」「超美」不過有網民就認為林志玲似乎有啲唔同咗樣「怎麼感覺志玲臉變形了」「還是去微調了」「重膠」
金馬獎2023︳《填詞L》鍾雪瑩
憑《填詞L》入圍「最佳女主角」的鍾雪瑩今日型格出場。
金馬獎2023︳《年少日記》黃梓樂、陳漢娜、周漢寧
憑「年少日記」入圍「最佳男配角」的黃梓樂連同陳漢娜、周漢寧一同出席。黃梓樂被大讚非常可愛！
金馬獎2023︳《白日之下》余香凝梁雍婷吸晴低胸裝 林保怡無現身
《白日之下》入圍最「最佳女主角」、「最佳女配角」fit爆現身！啱啱先生完坐完月無耐的余香凝修身成功，一身低胸晚裝超吸晴！而入圍「最佳男配角」的林保怡今晚就未見有出席。
金馬獎2023︳「終身成就獎」林青霞霸氣出場
「終身成就獎」林青霞都來臨《第60屆金馬獎》，已69歲的林青霞狀態超好！
圖片來源：《第60屆金馬獎》、《長江7號》
