金像獎2024｜阿冰《1人婚禮》入選提名+露背現身+連登仔力踩中學生grad+din

阿冰入選提名金像獎最佳新人 做嘉賓索爆現身

《第42屆香港電影金像獎》一開始由《小薯茄》阿冰做嘉賓為大家揭曉首輪提名名單，仲憑首次擔任女主角的《1人婚禮》提名最佳新演員。阿冰身穿一身粉色蛋糕長裙，仲激罕曬出白滑玉背，令網民大讚太正了，整個造型都非常適合阿冰！「又叻又靚又高」「會唔會太靚」「牙冰可唔可以做我女朋友呀？」「條裙幾襯佢」「正x到」仲有網民搵到該品牌Ralph Lauren Model相，指阿冰仲carry到條裙靚過個Model「蛋糕裙得嚟又修身 佢着得靚過個Model」

有網民都留意到阿冰似乎刻意用頭髮遮咗背後個紋身，早前《1人婚禮》時因婚紗曝光阿冰背後神秘三角紋身。

唱反調連登仔踩阿冰無星味 演技仍有很大的進步空間

一向唱反調的連登仔果然今次都唔多唔多認同，認為阿冰睇落無咩星味，髮型同造型睇落似中學生grad din，拍埋落同為嘉賓的廖子妤度，似細路仔，而且仲力踩阿冰《1人婚禮》做得麻麻地！「中學生grad din咁」「完全冇星味」「點分前後」「拍埋fish度成個細蚊仔咁」「周街都好易搵到正過佢」「無乜女人味，賣清純ok」「一般過一般」「幾靚 但一拍落fish到真係比下去左」「仲剪平陰妹妹頭，年紀再大 d 就會好似糖妹咁，唔知點定位」「坦白講啲戲一般都不能再一般」「老實講，好一般做戲都一樣，上唔到大台」！不過都有連登仔力撐無問題「真係幾靚 係連登仔笑人」「髮型唔夠浮誇所致」「無論幾好嘅人，喺連登都會變地底泥」

阿冰曾被選為最13大最靚YouTube 第2名

早前網民喺網上發起一個名為「嚴選13位香港靚女YouTuber」的選舉，其中有唔少靚女都嚟自人氣YouTube Channel《試當真》、《小薯茄》、《熊仔頭》。不過最令人估唔到係《小薯茄》的阿冰獲得第2位，打低一眾女神！

詳細請睇：網民嚴選香港13大最靚YouTuber 阿冰贏晒勁多女神！