金像獎2024｜民選最佳電影《正義迴廊》《飯戲攻心》網民：帶起電影業但陪跑
廣告
第41屆《香港電影金像獎》於昨日（4月16日）香港文化中心大劇院舉行，完滿落幕。不過對於賽果，唔少網民都表示不滿，認為呢兩年港產片正值復甦，百花齊放，但得獎結果似乎都係由老一輩獲得與電影票房不成正比，引起熱議。
第41屆香港電影金像獎︳網民為《正義迴廊》、《飯戲攻心》感不憤
獲得「最佳電影」的《給十九歲的我》引起不少爭議，除咗聯合導演郭偉倫的感言受到評撃之外，網民亦不滿「最佳電影」的賽果，認為《正義迴廊》、《飯戲攻心》等大熱電影落選實在不公。獲得16項提名的《正義迴廊》僅獲2個獎項，包括「最佳新晉導演」以及「最佳剪接」。11項提名《飯戲攻心》更是只有1個獎項－「最佳女配角」王菀之。網民認為票房成績同金像獎完全不成正比，覺得呢兩套電影有帶返起電影業的功榮，但只有提名，唔夠鼓勵性「《正義迴廊》、《飯戲攻心》贏口碑贏票房，到頒獎禮就贏口碑的電影就乜x都無，好似套咁用完就扔，定係想同啲人講你哋班傻x唔x識睇電影，票房好又點，我哋電影圈的人先識睇電影。」
第41屆香港電影金像獎︳評審標準同大眾口味有出入
不過有網民就認為因為好多人都未睇過《給十九歲的我》難以評價，更指如果睇過會覺得賽果合理，電影拍足十年非常有心，獲得呢個獎係實至名歸！而且指金像獎的得獎電影一向唔跟票房，係表揚業內覺得好嘅作品，指標當然同民選係有出入，更舉例當年王家衛的電影票房都唔係好收得，但金像獎都拎晒「最佳導演」、「最佳電影」等，仲有網民以奧斯卡為例子指如果跟票房就好似奧斯卡咪年年要俾marvel。
金像獎2023完整得獎名單是？
第41屆《香港電影金像獎》於4月16日香港文化中心大劇院舉行。港產片正值復甦，今年競爭相當激烈，劉青雲奪影帝「最佳男主角」、鄭秀文奪「最佳女主角」，一文睇晒完整得獎名單。
圖片來源：《飯氣攻心》海報截圖、《正義迴廊》海報
