蒼鷺與少年︳4大必睇原因主角就係本人！宮﨑駿首度提名金球獎

蒼鷺與少年︳必睇原因1. 刷新北美開畫首周票房最高紀錄

獲提名肯定的《蒼鷺與少年》上周五在美國開畫首日勁收556萬美元，勇奪票房冠軍，首周末票房更高達1280萬美元，不但刷新宮﨑駿動畫系列在北美開畫首周票房最高紀錄，更創下首度由日本原創動畫獲週末票房冠軍的紀錄!

《蒼鷺與少年》除咗金球獎之外，早前已獲紐約影評人協會獎及洛杉磯影評人協會獎「最佳動畫」，在國際影評及大獎提名加持之下，有望衝擊今屆奧斯卡，繼《千與千尋》、《哈爾移動城堡》及《風起了》後，成為史上第四部獲奧斯卡提名的宮﨑駿動畫。

蒼鷺與少年︳必睇原因2. 宮﨑駿半自傳作品

鈴木敏夫早前特意為香港觀眾拍攝了宣傳片段透露，《蒼鷺與少年》原來係宮﨑駿半自傳作品。佢解釋：「主角真人其實就是代表了宮﨑駿的少年時代。這次的主角真人有別於過往宮﨑駿筆下的勇敢機智主角，反而初期性格有點陰沉，因此宮﨑駿初時曾擔心影響電影形象，不過最終決定真實呈現自己的少年時代。另外，故事裡真人經歷奇幻冒險後，得以成長，這點亦相當切合宮﨑駿一貫的作品風格。」

蒼鷺與少年︳必睇原因3. 超燒腦神作！

有睇開宮﨑駿的作品都知道， 不嬲出名燒腦，寓意深遠，人生唔同階段睇都會有唔同的體會，係俾成年人的童話故事。今次的《蒼鷺與少年》同樣燒腦兼有好多人生的反思體會喺電影中，好多睇咗優先場的觀眾都話會睇唔明，喜歡深度電影的觀眾不能錯過！

蒼鷺與少年︳必睇原因4.可能真係宮﨑駿最後一部？！

宮﨑駿影迷最關心的，當然是年屆82歲的動畫大師還會否繼續創作。鈴木敏夫坦言他也不知道宮﨑駿導演的下一步計劃，「因為《蒼鷺與少年》在日本仍在上映中，宮﨑駿導演的心思仍放在這部電影之上。相信要到電影落畫、告一段落之後，他才會開始有空間考慮會否製作新的動畫。」看來香港影迷應該把握機會，親身入戲院欣賞宮﨑駿的最新傑作！