給十九歲的我｜觀眾望張婉婷重新上映/線上看：有啲畫面呢世都睇唔番！

給十九歲的我｜觀眾望張婉婷重新上映/線上看：有啲畫面呢世都睇唔番！

給十九歲的我｜黃秋生、陶傑指責任在家長們

《給十九歲的我》令全城插爆張婉婷，陶傑理性分析指責任不在導演身上，而是簽同意書的家長們，黃秋生發文撐張婉婷而與民開火。有不少看過電影的網民就指電影是香港人的集體回憶，力證電影沒有令六位女生有負面形象，跪求撰萬字文的女生阿聆（王卓聆）能令電影解禁，不少網民紛紛留言支持電影重新上映。

網民：香港人會有無限感觸

有網民在討論區以「平心而論《給十九歲的我》好唔好睇？」為題，從而引來網民激烈討論，更留言集氣希望電影能重新上映，有網民對電影煞停感可惜，因為電影內不少畫面令人很深刻，「套電影記錄咗呢幾個女仔中學成長，應該咩年紀入去都有共鳴」、「唔講咩道德高地，真係好好睇，阿佘又靚女」、「好好睇，喊到收唔到聲，本來想入去睇第二次，因冇機會啦」、「香港人睇真係有無限感觸，當年金鐘、旺角嘅畫面一播出，我就忍唔住係咁喊。」、「黃到離譜 又反國教 雨傘 反修例 madam放棄考警，難得過到電檢真係要珍惜，日後唔會有呢啲畫面同內容」、、「同學生對話，教育公民責任，學生會選舉呢啲2019之前根本就係普世價值觀，呢套戲反而睇到香港失去咗嘅嘢」、「只能夠講睇唔到嘅觀眾係一種遺撼」、「嘥咗套好電影」。

網民：阿聆個故事好勵志

「其實無咩在意過阿聆，每個人成長都有迷惘，講佢做得成校投票嘅學生會會長，其實好勵志，所以佢覺得受困擾要電影煞停，對觀眾嚟講都好無奈」、「同六個豬妹一起成長，感覺好窩心」、「睇到好肉緊，知道最後佢哋都搵到自嘅路，戥佢哋開心」、「張導錯咩？錯在無一直刪走阿聆個段，咁咪唔使搞到大家無得睇囉」、「阿聆個故事好正能量，睇到佢對細路嘅愛」、「睇到阿聆話：唔係我養細佬，邊個養？睇到呢度即刻喊﹗」

阿聆演過張婉婷電影《深藍》

《給十九歲的我》阿聆有一個自閉症細佬，電影中亦有出現。原來阿聆和細佬，曾於2014年曾在張婉婷執導的電影《深藍》演出，故事與現實中的阿聆有共通點，同有一個自閉症細佬。有指《深藍》一對姊弟的故事是以阿聆真實故事作藍本。