沙贊！眾神之怒3大必看重點！超越Marvel仲寸埋《狂野時速》？

沙贊！眾神之怒︳1. 寸爆Marvel 挑機做一哥？！

DC的超級英雄電影從前都比人有某啲刻板印象，例如較有內涵、嚴肅認真、討論人性、無咁商業化等，變相唔係個個都睇得明。相對下Marvel的超級英雄電影就比較合家歡，易入口，每套都總係有笑位，型爆的超級英雄為我們拯救地球等。不過近年的DC電影都來愈走向呢種大眾較易接受的風格，續集《沙贊！眾神之怒》更甚，笑位多多，雖然係配合返人物定位，但相對以前DC的超級英雄電影真係易入口勁多。《沙贊2》仲喺電影中明、暗寸過Marvel，例如電影中突然提到「驚奇隊長」呢個名，其實本來「沙贊」喺DC英雄中係叫「驚奇隊長」（Captain Marvel），係第一個用呢個名的人物角色，不過因為商標權的法規，先被迫改名做現今大家所知的「沙贊」。另外就係片尾彩蛋，簡直係寸到Marvel應一應，今次文章就唔劇透，大家記得坐到最後睇埋彩蛋！除咗寸Marvel之外，《沙贊！眾神之怒》仲寸埋另一套電影《狂野時速》，大家記得留意！

沙贊！眾神之怒︳2. 無分年齡 一齊做超級英雄

相信每個人都有諗過自己會變成超級英雄去拯救人類，《沙贊！眾神之怒》就完全滿足你呢個諗法！《沙贊！眾神之怒》同第一集一樣都係講一班唔同年齡層的寄養家庭細佬點變做超級英雄去拯救人類，今集更加深化去探索呢班年輕人係點樣一齊生活、佢地面對緊咩困難同挫折，變大個之後又點去擔當超級英雄，令到唔同的年齡層都可以投入電影，一齊去做超級英雄，實踐夢想，令電影又超現實同時又魔幻寫實主義！

沙贊！眾神之怒︳3. 勁爆身材Grace Currey

除咗留意劇情之下，另一個大重點就係其中一位「沙贊Mary」，佢係唯一一位已經係成人的沙贊。雖然「沙贊Mary」成日都著住套英雄裝甲，再唔係就著tee，但都遮唔住佢傲人的身材，佢跑步的畫面都令觀眾非常深刻！原來呢位「沙贊Mary」就係26歲演員Grace Caroline Currey。

一齊睇埋預告：