正義迴廊｜專欄作家爆「唐文奇」真身疑現戲院 網民：好得人驚
廣告
2013年發生的「大角咀弒親案」改編成電影《正義迴廊》，於上年10月27日上映，由楊偉倫及麥沛東主演，票房勁破4000萬，上映差唔多半年，現今仍有少量場次可觀賞。最近一名專欄作家於facebook大爆疑似唐文奇原型人物現身？！
唐文奇原型人物疑似現身謝票場
專欄作家郭靖言日前喺facebook分享自己對謝票的睇法，講述不同電影謝票情況如《人間喜劇》、《飯戲攻心》、《明日戰記》同《正義迴廊》等。而已郭靖言講到最難忘就係《正義迴廊》謝票，就係「江湖傳聞」麥沛東所演的「唐文奇」原型人物謝臻麒似乎真係現身喺戲院，睇咗《正義迴廊》，而當時佢仲要企起身拍手，大讚「你做得好似！」，令到戲院的所有觀眾都安靜了。對於此事，相信唔少睇完《正義迴廊》的觀眾都會忽發奇想到底原型人物謝臻麒會唔會睇，又或者睇完會有咩感受等。
網民感心寒：拍手即係表示？
郭靖言文章一出即引起網民熱討，唔少網民都表示好心寒，好驚「大癲！麥沛東應該勁驚」「下，那麼勁， 全場真的安靜」「但係套戲明顯暗示佢有份，而佢竟然起身拍手…….咁即係代表……」「想睇真人講屈我啦屈我啦」亦有網民認為唔驚，應該要合照留念「有乜好驚？應該搵到影合照」
圖片來源：ig＠kwokchingspeech、ig＠thesparringpartner2022
