《樹大招風》︳回顧香港三大賊王 「季正雄」係美國人？
廣告
《樹大招風》係2016年的犯罪電影，由許學文、歐文傑、黃偉傑執導，杜琪峯、游乃海監製，林家棟、任賢齊、陳小春領銜主演。《樹大招風》改編自香港三大賊王季炳雄、葉繼歡和張子強的真實犯罪案件而成。《樹大招風》榮獲多個獎項，包括第36屆香港電影金像獎最佳電影、最佳導演、最佳編劇、最佳男主角和最佳剪接五項大獎。ViuTV今個星期6晚上9：30將會重播。一文整合3大賊王最後去向！
樹大招風︳改編自香港三大賊王葉繼歡頭號通緝犯
《樹大招風》改編自香港三大賊王季炳雄（季正雄）、葉繼歡（葉國歡）和張子強（卓子強）的故事。葉國歡由任賢齊飾演。葉繼歡係香港當時的頭號通緝犯，主要事蹟打劫、槍械、爆炸品等嚴重案件。喺1996年，偷渡嚟香港企圖犯案時落網，下半身中槍導致癱瘓。1997年赤柱監獄服刑，2017年因肺癌離世，終年56歲。
樹大招風︳張子強犯罪集團大首腦
卓子強由陳小春飾演。張子強係犯罪集團的大首腦，持械行劫解款車、連環綁架香港富商，1998逃去大陸時被捕，其餘多名同黨相繼落網，最終喺大陸處決。
樹大招風︳季炳雄3人中唯一生還
季正雄由林家棟飾演。季炳雄係3人中唯一生還，1970由小偷做起，1930－2000年代，走私武器，以及持械行劫，2001年創下香港歷史上最高懸紅紀錄200萬港元，2003年年底喺香港被捕，判處監禁24年，2020因為行為表現良好，1月18日出獄後因為有美國護照所以安排出境到美國。
睇返預告片：
圖片來源：《樹大招風》資料或影片來源：youtube＠Media Asia Film 寰亞電影
