掃毒3：人在天涯影評︳動作場面飛車大炮應有盡有 只欠一點！
廣告
《掃毒》電影自第一集以嚟已被受熱捧，今次再由三大影帝聯手主演警匪動作電影《掃毒3：人在天涯》，上映四日（截止7月30日）香港及澳門累積票房經已衝破570萬，成績非常理想！入場個個大讚動作場面勁爆，相當危險，而且一次過睇晒3大影帝對戲夠晒精彩，不過似乎文戲方面就差啲？！
掃毒3：人在天涯影評︳動作場面刺激 3大影帝親身上陣
由三大影帝聯手主演警匪動作電影《掃毒3：人在天涯》大sell勁爆動作場面，並由擅長警匪片的邱禮濤導演再次執導。電影排面格局浩大壯觀，飛車、槍戰、大炮、爆炸應有盡有！就連古天樂之前都表示「我睇劇本都無幻想到導演拍攝畫面係咁誇張，係我想像以外的警匪片。這幾年間佢拍了好多《掃毒》、《拆彈》系列，對於這方面的掌握很準繩。」據知《掃毒3》好多動作場面，都係3大影帝親身上陣，例如村寨槍戰，影帝們係開真槍拍攝，令拍攝效果更加真實！
掃毒3：人在天涯影評︳劉青雲扮泰國人 做反派勁搶fo
金像獎出爐影帝劉青雲今次《掃毒3：人在天涯》飾演毒梟康素差，做泰國人反派。比較少演反派的劉青雲再次令觀眾讚嘆演技，陰邪狠毒演繹得淋漓盡致之餘，又帶出到對兄弟有情有義。最令觀眾大讚就係原來劉青雲都可以幾似泰國人。
掃毒3：人在天涯影評︳文戲不足 結局對白尷尬
《掃毒3：人在天涯》雖然有唔少好評，但都有唔少觀眾認為相對前2集略為遜色，其一大原因係因為《掃毒3》太過於集中動作場面而忽略文戲部分，出現bug位。而且結局，城城嗰句「我係差人」，唔少觀眾認為氣氛尷尬，情節略為老土，成為今次的電影金句。對相《掃毒》曾出的電影金句張家輝「耶穌都留佢吾住！我話嘅」，今集就略為遜色。
掃毒3：人在天涯︳故事大綱
毒梟康素差（劉青雲飾）一直帶著手下張建行（郭富城飾）從事毒交易，新加入的成員歐志遠（古天樂飾）也因一次意外與兩人建立了過命交情，三人情同手足。康素差在香港的販毒生意被警方查處後帶團隊逃到金三角發展，卻意外發現身邊藏有臥底。此刻，是敵是友，一片茫然。
圖片來源：《掃毒3：人在天涯》
