恐懼鬥室X︳首張海報預告公開 溫子仁重出江湖 勢要爆10個頭！豬頭人回歸

恐懼鬥室︳重出江湖推出《Saw X》9月28日上映

《恐懼鬥室》停擺多年後，近日官方正式公開電影海報以及暫定上映日期為2023年9月28日！「Hello, I want to play a game.」一聽到呢句對白，所有血肉淋漓、十級痛感嘅回憶即刻返晒嚟！感官刺激爆血之作《恐懼鬥室X》（Saw X）終於嚟到系列第十集，決定回歸系列驚典，由《恐懼鬥室》（Saw）驚慄鬼才導演溫子仁監製，「Jigsaw」托賓貝爾（Tobin Bell）重出江湖，與徒弟「雅曼達」Amanda再度聯手，勢要殺盡所有呃自己的斯文敗類，要他們個個罪有應得！？

恐懼鬥室︳故事簡介：回到第1集同第2集之間！

今次《恐懼鬥室X》將帶你回到系列第1集同第2集之間：身患絕症的尊克藍瑪（托賓貝爾飾）為咗治療癌症，不惜遠赴墨西哥，接受一項僅喺實驗階段的高危療法。然而，佢發現整場手術只係一個騙局，只為咗呃身心靈最脆弱的病人。「鬥室殺人王」決定重出江湖，精心設計各種殘忍冇底線的機關，用佢的招牌「遊戲」，清算這班萬惡老千？！

一齊睇吓預告先：

大家準備好入戲院未！