怒火漫延︳陳木勝精神延續!今次謝霆鋒將激戰天王劉德華?
廣告
英皇電影《怒火漫延》昨日(17日)舉行開鏡禮!英皇集團主席楊受成博士都有到場支持,劉德華與謝霆鋒即場大派《怒火漫延》紅包予一眾演員及傳媒朋友,寓意電影拍攝一切順利,上映時大火大旺、叫好叫座!對於電影名《怒火漫延》唔少人都會猜測係咪名導演陳木勝遺作《怒火》的續集,到底今次由劉德華、謝霆鋒領銜主演的《怒火漫延》係點?!
怒火漫延︳以全新方式延續導演陳木勝的精神
《怒火漫延》由郭子健執導、劉德華監製及領銜主演,謝霆鋒兼任動作導演及領銜主演、許冠文特別演出、此沙、陳家樂、呂良偉、陳國邦、黃德斌、沈震軒、謝苗、何珮瑜、楊天宇、胡子彤、方平、張文傑、林秋楠、湯君慈、龐景峰、唐嘉麟領銜主演。今次《怒火漫延》並唔係《怒火》的續集,不過監製劉德華將希望以全新方式延續導演陳木勝的精神以及香港電影的精髓。今次的全新班底陣容,劉德華同謝霆鋒亦相隔十二年再度合作,相信2人亦會擦出更不一樣的火花。
怒火︳陳木勝憑遺作《怒火》奪最佳導演
香港著名導演陳木勝於2020不敵癌魔撒手人寰,其遺作《怒火》令他在2022年金像獎奪得最佳導演。陳木勝遺因事未能出席頒獎禮,當時致謝辭由劉德華代為讀出,全文如下:
好感謝香港電影金像獎協會,頒「最佳導演」呢個榮譽畀我先生,感謝英皇電影老闆楊受成先生,相信呢一個獎圓滿咗佢嘅一生,佢一定會報以微笑,同埋感到十分欣慰。多謝《怒火》入面每一位工作人員,特別要鳴謝岑建勳先生、潘耀明先生。感謝我嘅家庭成員,我嘅朋友,電影從業員的前輩,我代表我先生同你哋講聲多謝,一切盡在不言中。
圖片來源:ViuTV截圖、新傳媒資料庫、《怒火》、《怒火漫延》開鏡禮@英皇集團