【復仇者聯盟4】副名「Endgame」點譯好?網民創意爆發一齊諗!

電影

廣告

復仇者聯盟4》預告一出,不少平台同網民都對劇情作出猜測。但是除了劇情外,電影副名「Endgame」也引來一眾網民討論。香港出名外國電影名會譯到「9唔搭8」,不知道這次「Endgame」又會怎譯呢?

撰文:Cherry@新假期|圖片來源:高登截圖丨編輯:白仔

網民搶先幫手諗《ENDGAME》中文譯名

大部分網民都以「終極」和「之戰」作創作,不但不失霸氣,亦帶出復仇者要強勢反擊的意境,非常貼題。

上一集《復仇者3》劇情提到,地球一半的生靈因Thanos而消失,因此亦有網民用「末日」一字來形容戰後的情況,更有人用文言文作副題!

有貼心的網民一口氣譯出香港、內地及台灣的譯名,但不知為何台灣譯名竟然是「network error」。

《ENDGAME》真正含義

有高明的網民將《ENDGAME》的含義講出來,指ENDGAME其實是西洋棋的術語,當棋盤上的棋子所剩無多,棋局亦去到尾聲的意思!按照這個含義譯名,看來這場「Infininty War」還未打完!

網民重作:比ENDGAME更好的英文副題

除了中文副題譯名引起熱議,亦有網民認為ENDGAME一詞張力不足,於是集思廣益一人寫一個比原創更好的英文副題。當中有人認為「The Last Stand」比「ENDGAME」聽上去更型!

不知道各位朋友又有甚麼看法呢?不妨都一起來作出猜測!小編也帶大家回帶看一看《復仇者聯盟4》的預告分析吧!

《復仇者聯盟4》預告中10個細節分析

1. 銀河守護隊飛船 the Benatar

預告剛出嘅時候有唔少人都話 Iron Man 身處嘅飛船係銀河守護隊嘅宇宙船 theMilano。

但其實喺《 Avengers 3》中 佢哋已經換咗船做 Benatar,有落地大玻璃窗。

2. Iron Man 同Nebula 都喺宇宙船 the Benatar 上

就如同上面所講,Benatar有落地大玻璃窗,喺預告中都可以見到 Tony 背後有同樣嘅窗。

而 Nebula 出現嗰一幕,細心留意右手邊,會見到同樣嘅大玻璃窗。

加上喺佢身邊,疑似係梯嘅物體都曾經出現過喺過去 Benatar 嘅片段中。

3. Iron Man 何去何從?

預告一開始就見到 Tony 進行緊錄影,對 Pepper 講低遺言 「待我睡去後會夢見你」,呢一幕相信令唔少人感到心碎。

有網民指出 Nebula 出現喺一架飛船上,手搭住某人嘅膊頭,如果個膊頭係 Tony 嘅話,好有可能佢真係於船上因缺氧而死。

當然,都有人指出個膊頭嘅衣著同 Tony 完全唔同,未必係佢。同埋小編記得,Dr. Strange 用時間寶石去換 Tony 條命(冇變灰),代表好有可能 Tony 係拯救世界嘅一員。

同時,都有唔少網民猜測 Captain Marvel 可能會出現救 Tony,因為之前佢一直都在宇宙中穿梭;但當然,眾多推理當中呼聲最高嘅依然係 Pepper 穿上盔甲進行拯救 Tony 任務。

雖然點估都要等到下年先知真相,不過喺電影上之前希望 NASA 會搶先一步搵到 Tony!

4. Iron Man 換咗幾次衫

喺泰坦星打嘅時候, Tony於套甲下面只係著咗件黑色外套,似乎係冇衫著喺入面嘅。

然後係預告嘅片頭就著住黑色背心。

再去到預告中段,Tony企喺玻璃窗前就著咗件深色衫。

5. Avengers 失蹤名單

有唔少眼利網民發現黑豹個妹舒妮出現喺名單之中,本來大家都期待佢會接手成為 Wakanda 嘅國王,連佢都消失嘅話咁 Wakanda 到底點算?

喺舒妮個樣出現之後,就隨即出現蜘蛛俠嘅真面目。

可能大家都唔覺奇怪,因為我哋個個都知 Peter Parker 真樣,但係電影裡面,只有極少數人知道佢真面目,例如 Happy、Tony同蜘蛛仔個好朋友 Ned Leeds。

到底係邊個將佢個真樣放上名單?按道理唔會係 Tony,因為佢親眼睇住佢變灰應該唔會稱佢為 “Missing”;亦都唔會係睇住屏幕嘅 Bruce Banner,因為佢仲未見過蜘蛛俠。

6. 返咗去 1983 年嘅Ant-Man

去到最後咪有段閉路電視片見到 Scott Lang 敲緊門嘅,Captain 就疑惑係咪舊信息嚟,因為片段左上方寫住 1983 Archive,咁 Scott 似乎回到過去搵出現過嘅大門。

至於點解佢會出現喺1983 年,就有推論指佢想回到過去搵 Captain Marvel 幫手。

7. 鎖上嘅大門、現代嘅 Van 仔(X-Con)

喺閉路電視嘅片段中見到大門被鐵鏈鎖上,地上嘅落葉無人清理,總部似係荒廢咗好耐咁,而 Scott 想搵 Captain 但冇門口入因為當時 Captain 仲冰封緊。

而 Scott 身邊嗰架 X-con 公司嘅車係嚟自現代之餘,似乎仲係裝住量子領域裝置嘅嗰一架,所以有唔少人推測 Scott 透過量子領域回到過去,但實際上點樣操作就仲未有網民解釋到。

又或者,會唔會係佢隨身帶住嘅迷你車?

8. Thanos 歸隱田園?

預告中段見到 Thanos 套甲除咗出嚟,仲好似成個稻草人咁棟起咗。

而 Thanos 手上有啲破爛嘅無限手套,掃過一大片植物堆,有網民就猜測電影將向漫畫致敬,安排 Thanos 完成目標後隱居於某個星球做農夫。

9.鷹眼成為浪人

鷹眼於《復仇者聯盟3:無限之戰》中失蹤,全因為《美國隊長3:英雄內戰》後專注家庭而引退。

預告中的旁白「失去了家人,我們亦失去了自己一部分」,可以估計 Thanos 令鷹眼家人灰飛煙滅,令佢重出江湖之餘,仲令佢變成另一個人,武器由以往嘅弓箭轉為利刃。

10. 從灰燼到 Avengers

預告中出嘅《Avengers 4: Endgame》標題,由灰燼碎石重組成 Avengers logo。

而 Avengers 一字亦由透明到實色,同時成個標題都以 Thanos 紫做主色調。

似乎係意味住 Avengers 眾人將由灰燼變番做人,而 Avengers 亦會捲土重來。

《Avengers 4:End Game》預告9大重點資訊分析你要知!

1. Iron man被困泰坦星

預告片一開始就見到Tony除下了自己的頭套,並用頭套去錄下自己的日記。可能就如之前的傳言一樣,Tony將會命喪於泰坦星,是因為太空船沒有能源而被困在泰坦星,加上斷水斷糧,最後無法返回地球。最後一句「旅程總要結束」,看來是很大的伏筆。(也有可能被其他於外星的生物發現而得救)

2.化作沙塵的英雄為事實

可見第2幕中高掛著Thanos的盔甲以及他建立的家園,這一幕於《Avengers 3》中亦有所見,可見那些被無限手套化作沙塵的英雄已成事實。但到底是被困於靈魂寶石中,抑或是已死去,在預告中就不得所知了。

 

3.隊長退役

接下來可見美國隊長與黑寡婦的對話中,隊長流下了男兒淚,或者他也會與之前傳言一樣,因著自責無法守護Avengers,而決定辭去領導者一職,並退居成為2線英雄。(也因為Chris Evans的合約已到期,並無續約的消息。)

4.浪人Ronin終現身

另一方面見到用刀的神秘英雄出現,其實大家對他也不陌生,就是Avengers以前的英雄鷹眼。化身為浪人也是一早確定的事實。而Ronin繼承了日本女武術家Echo的身分,高超的近戰和刀具使用能力,是浪人的殺著。

5.Ronin早已與鷹眼不同

而Ronin這次的現身地點是日本,而地上早已倒下多具屍體,有機會這些屍體是人類,但也有機會是Thanos的外星生物士兵。從此可見,Ronin的性格也可能與鷹眼不同,充滿著濃濃的殺意。

6.隊長將進入time travel?

在出電影名前的最後一幕中,隊長與黑寡婦正在籌備著某些東西,而相信這時他們已經與懂得time travel的蟻俠Scott 會面,並用蟻俠2中的科技(或更高深)回到過去,取得space gem去打敗Thanos。

7.電影名代表完結?

今次Avengers的副名用了「End Game」,估計代表了這次一定會分出勝負。

8.Scott將成救世關鍵

有看《蟻俠2》的觀眾都知,Scott在最後被困於量子領域中。但在《Avengers》中最後卻出現,相信他是自己逃出來了,並找到隊長等人。相信Ant Man的量子領域將會成為電影的關鍵,或者化塵的英雄也同樣身困量子領域而無法出來,而Scott將救大家出來。

9.Captain Marvel沒有現身

相信這個也是最大伏筆之處,並稱為Marvel最強女英雄的Captain Marvel沒有出現在電影中。或是導演想帶出Captain Marvel將會是救iron man的關鍵,事關《Captain Marvel》中將會有一段宇宙旅行的時間,就在此時Captain Marvel將Iron man救出!

首張海報公開: