奪寶奇兵命運輪盤彩蛋丨細數4大納粹黑科技！真係有改寫命運機器？

《奪寶奇兵：命運輪盤》喺上映首周已成為香港票房第一位，累計香港票房衝破790萬港元！電影講述一部能夠改寫命運的寶藏「命運輪盤」，納粹德軍當時就係想用呢樣嘢改寫2戰戰敗的命運。其實係真實的歷史中，納粹係曾經研究過唔少黑科技。

奪寶奇兵命運輪盤彩蛋丨納粹時光機「納粹鐘」

《多啦a夢》時光機就聽唔少，「納粹時光機」又聽過未？其實當年粹德軍研究黑科技時，其中一樣最著名的就係「Die Glocke」即係「納粹鐘」，外形好似一個大鐘咁，希望可以造成空間扭曲。第一次開啟「納粹鐘」時，即發生劇烈的引爆，在場7名科學家全身亡，就連方圓幾百米的嘢都變晒做黑色膠質狀態，植物水份全蒸發超誇張。而當時有幸存活的工作人員就表時當時感到好暈，皮膚發麻同埋個咀有金屬的味道。

奪寶奇兵命運輪盤彩蛋丨納粹UFO飛碟

有傳當時點解會有研發「納粹鐘」的諗法就指當時希特拉曾經同外星人見過面，所以得知某啲「外星科技」，所以就出現咗有名的「納粹UFO飛碟」。當時希特拉試圖扭轉戰爭局勢而秘密研製的飛行器，具記載最後已成功研發到2部飛碟！

奪寶奇兵命運輪盤彩蛋丨超高溫度武器太陽炮

「太陽炮」原理就係類似放大鏡放大太陽光線造成燃燒，當時研究概念是將一個巨型的大鏡發射到太空，將陽光聚集，造成超高溫度武器，摧毀敵方城市。《奪寶奇兵》第四部都有講到類似的寶藏－「水晶骷髏炮」。

奪寶奇兵命運輪盤彩蛋丨超級巨炮Mörser Karl

納粹研究唔少武器，其實就研發出史上最大口徑的大炮－Mörser Karl，為入侵法國而設計！呢個巨炮，需要16位軍人操作，發射只要10分鐘。Mörser Karl威力雖強但因為要有鐵路的戰場先可以部署，重量太重同埋射擊時的效益唔高，所以出戰紀錄少。

一齊睇吓紀錄片：