大毒Bear︳年度黑色喜劇 導讀3大重點 真人真事改編?!

電影

廣告

由環球影業最新推出的黑色幽默電影《大毒Bear》COCAINE BEAR昨日(23日)上映。電影講述一隻500磅的珍寶bear bear黑熊意外隊咗可卡因之後展開的故事。淨係簡介已經俾人感覺荒謬之極,但其實呢套年度瘋狂黑色血腥、匪夷所思的大作原來真人真事改編而成,而後續故事仲離奇!一文睇晒《大毒Bear》入場前導讀3大重點!

大毒Bear 《大毒Bear》COCAINE BEAR已於23日上映
《大毒Bear》COCAINE BEAR已於23日上映(圖片來源:《大毒Bear》)

大毒Bear︳黑色幽默cult片味到肉

《大毒Bear》係一套黑色幽默電影,電影cult片味極濃節奏緊湊。大毒bear high大咗後野性大發喺森林大開殺戒,森林裡面的警察、罪犯、遊客、青少年無一倖免,血流成河,屍橫遍野,個個死法都唔同,要你估唔到,血腥暴力加配荒誕幽默,令人睇到心情極矛盾,鍾意呢類cult片真係不能錯過。

大毒Bear
(圖片來源:《大毒Bear》)
大毒Bear
(圖片來源:《大毒Bear》)
大毒Bear
(圖片來源:《大毒Bear》)

大毒Bear︳真人真事改編

《大毒Bear》電影講述黑熊意外隊咗70磅可卡因然後發癲。《大毒Bear》其實係真人真事改編,喺1985年美國,當時發生咗一單離奇的毒販飛機失事事件,一名叫Andrew Thornton的毒販喺跳傘時因攜帶的可卡因負載太重而去世,隨伴的70 多磅可卡因就從天而降。根據Georgia Bureau調查局表示呢堆可卡因散落後被一隻175磅的黑熊發現,發現黑熊屍體時,喺屍體附近搵到40個可卡因的空包裝,顯然黑熊係因過量服食而死。

大毒Bear
(圖片來源:《大毒Bear》)
大毒Bear
(圖片來源:《大毒Bear》)

大毒Bear︳大毒Bear變人氣展品轉賣

呢個瘋狂的黑熊隊可卡因故事仲未完,事後呢隻可卡因黑熊的屍體仲被轉手多次,一開始完成解剖後送到喬治亞州的國家遊樂區作展覽,再因為火災落入到一家典當舖頭手中,跟住又被歌手Waylon Jennings買咗,送咗俾佢的朋友。而當Waylon Jennings朋友去世後,可卡因黑熊再被拍賣,被一位中國買家買咗,3年後中國買家去世後,其妻子再將可卡因黑熊送俾一個手信店的店主,成為鎮店之寶。

大毒Bear 呢隻bear cute唔cute呢?
呢隻bear cute唔cute呢?(圖片來源:《大毒Bear》)
大毒Bear
(圖片來源:《大毒Bear》)

睇埋預告片:

圖片來源:《大毒Bear》資料或影片來源:youtube@Universal Pictures HK