命案︱陳湛文取材「雨夜屠夫」重溫林過雲奇案!

電影

廣告

命案︱由鄭保瑞執導,編劇監製游乃海,主演林家棟、MIRROR隊長楊樂文(Lokman),並與吳廷燁、伍詠詩、陳湛文展開一場與生死攸關的電影《命案》,近日上映後好評不斷。當中劇情與香港不少驚動奇案相似,例如98年轟動一時「德福花園五屍案」,以及原來演殺手的陳湛文角色係參考咗80年代轟動一時的「雨夜屠夫」林過雲!

命案
(圖片來源:《命案》)

命案︳陳湛文原型人物「雨夜屠夫」林過雲

電影《命案》陳湛文飾演一位外表溫馴,內裡變態的連環殺手,會喺落雨時觸動殺機,專殺鳳姐的殺手。編劇游乃海喺謝票時表示原來角色係參考咗80年代轟動一時的「雨夜屠夫」林過雲!

命案
(圖片來源:《命案》)

命案︳重溫「雨夜屠夫」林過雲一案

當時從事的士士司機的林過雲喺5個月連環殺害4名17至31歲的女子。事源林過雲自細就已經被屋企人覺得佢精神係異於常人,對女性太有強烈的慾望,曾持刀威脅過一位女子入公廁然後被捕,但因為醫生指佢精神有問題,所以不宜受審,最後判入青山精神病院接受102日治療後就出院。

命案
(圖片來源:《命案》)

命案︳林過雲首次犯案殺鳳姐雨夜屠夫由來

出院後林過雲於1982年首次犯案,22歲的鳳姐陳媽媽生凌晨4點收工搭林過雲的的士,林過雲見呢位媽媽生飲醉酒未醒,就轉入住所樓下,然後返屋企拎電線將陳媽媽生致死,最恐怖係林過雲仲將成個過程用錄影機拍低,標名為「嚴肅的秘密」。事後因為大雨令屍體被發現,轟動全港後,令林過雲4個月未有再作案,直到5月時再動殺機,連環殺害3名女性,而犯案時都係落緊雨,所以就被傳媒改名為「雨夜屠夫」。

命案
(圖片來源:《羔羊醫生》)

命案︳「嚴肅的秘密」成為破案關鍵

當時警方一直對犯人毫無頭緒,全因林過雲的「嚴肅的秘密」!林過雲事後仲想將佢曬成相片,透過參加香港基督教女青年會舉辦的攝影班,認識咗一位尖沙咀某沖曬店的朋友,林過雲呃呢位朋友佢係從事殮房兼職攝影師,然後等呢位朋友幫佢曬相。直到8月時,因為其沖曬店器材出現故障,將照片轉交旺角分店處理時,分店職員分現異樣報警後先揭發「雨夜屠夫」林過雲,「嚴肅的秘密」成為破案關鍵。

命案
(圖片來源:《羔羊醫生》)

命案︳網民爆料林過雲近況

「雨夜屠夫」林過雲被判終身監禁,一直服刑至今,早前喺赤柱監獄服刑,後來轉去到石壁監獄服刑,囚友叫佢做「阿lam」。據悉林過雲唔主動同人交流,亦唔會同人講起往事,紀律良好為人節儉,更喜歡上紫微斗數。2018年時,林過雲曾申請過假釋,引起社會關注,後來因佢係重犯的關係所以未有假釋。其後有消息指林過雲係獄中會殺死以及解剖蟑螂,再將其傑作放在火柴盒內保存,又有網民爆料「過年去搵佢拜年,佢會送排全監獄最貴嘅朱古力俾你,咁多年嚟佢張糧單儲咗好多錢,有時會喺小欖精神病治療中心見到佢,佢定期會去拿精神科報告,只要6個精神科醫生話佢無事,就可以放」。

命案
(圖片來源:《羔羊醫生》)

圖片來源:《命案》、《羔羊醫生》