揭中國真貓版叮噹 3大不解疑團

電影

廣告

呢兩日嘅網上熱話,一定係國內電影商發布嘅「史上第一套真人版多啦A夢電影」《拜托了小叮噹》(記住唔係多啦A夢),片中最大賣點係全部真人上陣,就連叮噹都係真貓 (名叫 William) !!電影預告片同海報尋日發放出嚟後,即時引起中日網民熱烈討論,大部分人都係關心電影商到底有冇攞版權?其實暫時電影公司所發放嘅資料有限,我哋就為大家拆解《拜》片嘅3大疑團!

text-專題組

1. 超人老母亂入?

當眾人注意力都去咗版權問題之際,其實大家有冇留意到其中一張電影海報竟然有鹹蛋超人老母…sorry,太粗俗,應該係超人之母亂入!!咁套戲係咪應該叫《拜托了小叮噹之超人之母》?電影又有冇攞埋超人版權還是俾封「利是仔」佢客串下就算呢?

2. 同淘寶合作?

網民最大討論點係《拜托了小叮噹》有冇攞版權?網上有消息指出電影應該由馬雲投資。今年7月淘寶就搵嚟多啦 A 夢做代言人,但目前多啦A夢官網未見有乜相關消息,但電影宣傳照中,就話電影今日會喺淘寶首播,如果有最新消息,會喺呢度update大家。

3. 日本網民都like?

平心而論,撇開版權問題,從電影預告片同海報中,可見製作質素真唔錯,就連部分日本網友都留言話《拜》片質素OK,當然亦有人好唔高興,話套片「中國製嘛」、「唔睇好」之類,其實過埋今日,應該所有疑團都可以解開。

There are 3 comments

Add yours

Comments are closed.