小魚仙 (圖片來源:youtube@
Black Conservative Perspective
、youtube@Walt Disney Studios、ig@hallebailey)

《小魚仙》真人版預告出爐引熱議 黑人youtuber都批評:跟返原版啦!

電影

廣告

日前真人版《小魚仙》預告出爐,由黑人歌手兼演員 Halle Bailey飾演女主角,預告片一出就引來大量網民批評,認為Ariel原型角色係白人女性,唔明白點解要由黑人演員演出。預告片一出,好多同為黑人的知名藝人都有留言表示「好興奮」、「好自豪」,但有黑人Youtuber日前就拍片表示唔認同迪士尼做法。

真人版《小魚仙》引起網民批評

真人版《小魚仙》由黑人歌手兼演員 Halle Bailey飾演女主角Ariel,日前預告片出爐,大量網民表示不滿,真人版《小魚仙》預告片在Youtube累積11M觀看,452K like。雖然現時我哋無辦法知道有幾多人dislike,不過有外國網友就截圖見到9月8日當時疑似有187K like及多達772K dislike,負評比例非常誇張。由於故事源於丹麥童話故事,Ariel原型角色理應係白人女性,好多網民都批評破壞童年,認為Halle Bailey 樣貌同膚色都同原著差好遠,表示「條片好多左膠留言,清一色讚佢把聲好聽,冇人提佢個樣」、「黑人都算,好多黑人都好靚,可唔可以搵個靚d 嘅黑人」,甚至有網民覺得 Halle Bailey 真係好似一條魚。

小魚仙 The Little Mermaid預告片
The Little Mermaid預告片(圖片來源:[email protected] Disney Studios)
小魚仙 有外國網友就截圖見到9月8日當時有187K like及多達772K dislike,負評比例非常誇張。
有外國網友就截圖見到9月8日當時疑似有187K like及多達772K dislike,負評比例非常誇張。(圖片來源:[email protected]

黑人Youtuber都唔支持

黑人Youtuber Greg Foreman喺佢嘅 Channel《Black Conservative Perspective》拍片評論真人版《小魚仙》,列出3點迪士尼嘅問題,首先,Greg Foreman就認為真人版《小魚仙》預告片完全無講到有啲咩內容,淨係預咗我哋會知個故事咁,另外,女主角 Halle Bailey種種言論都好似講到係你唔支持佢做小魚仙就係歧視咁。而最重要嘅一點,就係迪士尼翻拍《小魚仙》就應該跟返原版,亦認為其實迪士尼冇需要為咗畀唔同種族嘅演員多啲演出機會以做「race swapping」嘅行為,以《小魚仙》為例,其實迪士尼可以忠於原著拍真人版《小魚仙》,然後參考過往已經有、或重新創作一篇非洲為主線嘅美人魚故事,Greg認為,迪士尼之前都有拍《黑豹》、《刀鋒戰士》等以黑人做主角嘅全新故事,迪士尼冇需要做呢一種Wokeness(喚醒革命)。

小魚仙 黑人Youtuber Greg Foreman都唔支持真人版《小魚仙》以黑人做主角
黑人Youtuber Greg Foreman都唔支持真人版《小魚仙》以黑人做主角(圖片來源:[email protected] Conservative Perspective)

迪士尼旗下電視台:丹麥人也可以是黑人

不過迪士尼就一於少理,《小魚仙》導演Rob Marshall甚至在一篇公開聲明中寫到:「經過深入的選角過程後,貝利毫無疑問地擁有所有這個經典角色需要呈現的個人特質——正面能量、純真、真心、青春,以及餘音繞梁的美妙歌聲。」迪士尼旗下電視台則亦在Instagram發文表示:「小美人魚是丹麥人,丹麥人也可以是黑人,所以丹麥的美人魚可以是黑人。」

小魚仙 迪士尼旗下電視台則亦在Instagram發文支持
迪士尼旗下電視台則亦在Instagram發文支持(圖片來源:[email protected]

Halle Bailey希望出演Marvel電影

Halle Bailey回應外界言論就指:「我受祖父母的啟發,希望借電影鼓勵非裔女孩,她們也可以是公主。」喺訪問度提到自己相當有興趣出演 MCU 電影,表示任何角色願意欣然接受,亦指明自己好想擔演《X-Men》裡的暴風女(Storm)一角。

小魚仙 Halle Bailey回應外界言論
Halle Bailey回應外界言論(圖片來源:[email protected]

《白雪公主》都要搵拉丁裔演員做女主角

其實迪士尼近年為咗「政治正確」,多次搵非白人演員擔任經典電影角色,包括有《木偶奇遇記》入面嘅仙子、《白雪公主》真人版入面嘅白雪等等。

小魚仙
(圖片來源:twitter @ morebuttertv)

常見問題

《小魚仙》真人版為何受熱議?

真人版《小魚仙》預告出爐,由黑人歌手兼演員 Halle Bailey飾演女主角,預告片一出就引來大量網民批評,認為Ariel原型角色係…詳情請看

《小魚仙》導演Rob Marshall如何回應?

《小魚仙》導演Rob Marshall甚至在一篇公開聲明中寫到:「經過深入的選角過程後,貝利毫無疑問地擁有…詳情請看

圖片來源:[email protected] Disney Studios、[email protected][email protected][email protected]、twitter @ morebuttertv、[email protected] Conservative Perspective

YOU MAY ALSO LIKE ...