深宵閃避球

《深宵閃避球》︳日本漫畫風海報曝光 鄭伊健變身「熱血教練」

電影

廣告

由新晉導演應智贇自編自導,鄭伊健、周家怡率領一眾新晉演員包括李靖筠、陳海寧、鍾雪瑩、雲浩影、黃淑蔓、李玗蓁、王頤、宋嘉儀主演,號稱香港史上最揸流攤運動喜劇《深宵閃避球》將於10月6日上映,9月24日起推出口碑優先場。電影宣傳攻勢進入白熱化階段,主視覺海報及多款角色海報相繼登場,電影大走清新日本漫畫風格,人物性格立體鮮明,隔住個mon都感受到由「熱血教練」鄭伊健及「最暖社工」周家怡帶領的這隊粉青閃避球隊不只捱得打,更充滿求勝決心!

深宵閃避球
(圖片來源:官方提供)

鄭伊健做親民教練劉Sir

古有嚴師出高徒,今時今日教練卻要大玩親民,跟運動員打成一片才是王道!鄭伊健繼《黃金兄弟》大獲好評後,相隔數年再接演風格大不同的《深宵閃避球》,片中飾演熱血教練劉Sir的鄭伊健卻笑言自己卻是亳無章法:「其實呢個劉Sir一開始都係抱住打份工心態,不過收得人工都想交到啲成績向上司交代,所以就不經不覺投入咗呢隊球隊。劉Sir嘅特訓就係由零開始,其實佢係同班女仔一齊學習,有時仲係人云亦云咁去訓練,用自己嘅經驗同觀察力,拎出自己熱愛做運動嘅心態去幫呢八個女仔。」

深宵閃避球
(圖片來源:官方提供)

戲裡戲外打成一片

對於參與《深宵閃避球》,伊健在片中單挑8位新晉演員進行連環特訓,更要帶領球隊參賽,眾多群戲卻急促培養到彼此默契,伊健透露劇組上下都是零隔膜:「我拍呢部戲好開心,呢部電影有嚟自唔同年代嘅台前幕後,包括監製羅志良、我、家怡、導演應智贇、閃避球隊8位女生,甚至幕後班底,大家混埋一齊係唔容易嘅事,其實係成功嘅。大家戲裡戲外都好團結好認真去做,今次感受到成班人好齊心去做。」

深宵閃避球 伊健與8位新演員打成一片
伊健與8位新演員打成一片(圖片來源:官方提供)

「伊健係一個極度冇包袱嘅人!」

戲中八位新晉演員原來早已是伊健的粉絲,今次有機會合作電影與偶像零距離接觸,認識伊健後更發掘他的另一面,李靖筠:「伊健係一個極度冇包袱嘅人,好鍾意佢」;鍾雪瑩:「好有趣嘅人」;陳海寧:「佢真係一個完美嘅男人」;黃淑蔓:「佢真係好靚仔」;宋嘉儀:「我哋幾個女仔都勁鍾意伊健,有時會約埋喺佢面前唱歌」。早前,女主角家怡趁拍攝途中有一段休息期間,相約八個女生躲在片場一角排舞, 趁伊健和導演溝通劇本時,眾人突襲伊健眼前,邊唱邊跳動態版《友情歲月》,令伊健相當驚喜,笑不攏嘴!可見幕前眾人打成一片,打閃避球打出團隊精神!

深宵閃避球
(圖片來源:官方提供)

更多劇照欣賞:

即睇《深宵閃避球》前導預告:

圖片來源:官方提供

YOU MAY ALSO LIKE ...