明日戰記

明日戰記|3大彩蛋「我就係天幕」對白被指出晒事 其實好有意思?!

電影

廣告

由古天樂監製和主演的港產科幻電影《明日戰記》於8月25日在香港上映,這部籌備多年的科幻巨製電影《明日戰記》,據報投資額近4.5億港元,製作時間長達8年,包括前期製作籌備3年,6個月的拍攝,再加上4年的後期製作,可算是香港影史歷年最大規模製作的電影,更被網民喻為港產電影里程碑。香港正式上映後,截至今日(31日)票房直逼 3000 萬,成全城熱話!唔少睇咗的網民就指套戲幾好睇,有好多精華位,例如張家輝奇怪對白「天幕就係我,我就係天幕」,一文睇吓3大電影小彩蛋!

中二病對白:「我就係天幕」 原來好Marvel!

唔少睇完《明日戰記》的觀眾都表示整體都非常好,不過唯獨是對白方面就有啲奇怪,特別係張家輝,雖然張家輝係友情演出《明日戰記》,不過全憑「天幕就係我,我就係天幕」一句對白令觀眾非常深刻!除此之外就係「天可以灰,地可以灰,但我哋唔可以灰」「Ending由自己話事」「今次大鑊,係大獲全勝」成為電影金句。網民對於呢啲電影「金句」評論都偏為唔理解,甚至指對白非常「中二病」。有網民分析整套電影因想嘗試滲透Marvel的英雄電影特色而造就呢種對白,就如《iron man》中的「Iam iron man」、「It’s an imperfect world,but it’s the only one we’ve got.」《美國隊長》「I can do this all day.」、《復仇者聯盟》「I don’t judge people in their worst mistakes.」等,假如用廣東話喺戲中講返出嚟,感覺都會比較奇怪。

明日戰記 張家輝一句:「天幕就係我,我就係天幕」令觀眾非常深刻
張家輝一句:「天幕就係我,我就係天幕」令觀眾非常深刻(圖片來源:《明日戰記》截圖)
明日戰記 《iron man》中的「Iam iron man」
《iron man》中的「Iam iron man」(圖片來源:《iron man》截圖)
明日戰記 「I can do this all day.」
「I can do this all day.」(圖片來源:《美國隊長》截圖)

古天樂「自肥盾牌」

《明日戰記》中泰來(古天樂)、鄭重生(劉青雲)與外星人打鬥時,其中一幕,被唔少網民發現古天樂突然檢起一個類似盾牌形狀的物體飛向外星人,情況不禁令觀眾回想起《美國隊長》打鬥飛盾牌時的場景,笑指古生借電影自肥!

明日戰記
(圖片來源:《明日戰記》截圖)
明日戰記
(圖片來源:《美國隊長》截圖)
明日戰記 泰來古天樂)、鄭重生劉青雲)、光仔萬國鵬)作為空軍部隊主要人員,冒着有去無回的危險前往B16區,尋找潘朵拉母體,投擲基因子彈對其進行適合人類需要的改造。
泰來(古天樂)、鄭重生(劉青雲)、光仔(萬國鵬)作為空軍部隊主要人員,冒着有去無回的危險前往B16區,尋找潘朵拉母體,投擲基因子彈對其進行適合人類需要的改造。(圖片來源:[email protected]

CG機械人「刑天」「窮奇」源自《山海經》

電影中有與機械人打鬥一幕令觀眾非常深刻,機械人仲要有名叫「刑天」、「窮奇」,唔少觀眾都甚為不解,其實個名係嚟自《山海經》,「刑天」係中國遠古神話中的神祇,係一位巨人,為炎帝的文臣同戰神。而「窮奇」就係中國古時傳說的怪物四凶之一,可以驅除蠱毒害物,係一頭正面的神獸!唔少網民都認為除咗名,機械人的外型都係跟返神獸去設計,非常有心思!

明日戰記 【刑天 TIMORIA】遠程攻擊型六腳機械人,可大幅度旋轉及多角度攻擊,備有雷達干擾器、追蹤導彈、重型機關槍及高能量大炮。
【刑天 TIMORIA】遠程攻擊型六腳機械人,可大幅度旋轉及多角度攻擊,備有雷達干擾器、追蹤導彈、重型機關槍及高能量大炮。(圖片來源:ig@onecoolpictures)
明日戰記 【窮奇 ENIGMA】係擁有一雙機械前臂動作靈活,雙腿可高速衝刺,頭頂設機關槍,兩旁可發射追蹤導彈。
【窮奇 ENIGMA】係擁有一雙機械前臂動作靈活,雙腿可高速衝刺,頭頂設機關槍,兩旁可發射追蹤導彈。(圖片來源:ig@onecoolpictures)

常見問題

明日戰記票房是?

截至8月31日,明日戰記票房直逼…詳情請看

網民看完明日戰記的評價是?

唔少睇咗的網民就指套戲幾好睇,有好多精華位,例如…詳情請看

關鍵詞
明日戰記
圖片來源:《iron man》截圖、ig@onecoolpictures、《明日戰記》截圖、《美國隊長》截圖、

YOU MAY ALSO LIKE ...