壓力大夠鐘放鬆下!4套11月必睇笑死人瘋狂喜劇電影

壓力大夠鐘放鬆下!4套11月必睇笑死人瘋狂喜劇電影

受新冠肺炎疫情影響,全球各國經濟大受打擊,令社會氣氛變差,亦令一眾市民終日鬱鬱不歡。不過經過長期限聚令,以及娛樂場所關閉,不少人都想偶而想放鬆一下。其實近期亦有不少喜劇電影上話,到底有邊幾套值得入場放鬆一下?即刻睇睇!

撰文:海月|圖片:各大廠商

壓力大夠鐘放鬆下!4套11月必睇笑死人瘋狂喜劇電影

《老豆死開一陣先》

年度最爆笑日本電影登場!新生代可愛女神廣瀨鈴反叛少女上身,夥拍吉澤亮、堤真一、妻夫木聰、佐藤健等26位巨星超豪華陣容,一齊顛倒生死!

野畑七瀨(廣瀨鈴 飾)在樂團中擔任主唱,非常討厭老豆(堤真一 飾)的她經常Fing頭大唱「老豆去死啦」,點知願望竟然成真?老豆的製藥公司意外研發「假死兩天藥」,他親身試藥成功假死!公司內奸乘機串通外敵,想令他「假死」變「真死」!零存在感員工 (吉澤亮 飾)嘗試說服七瀨放下對老豆的憎恨、聯手阻止陰謀,他們最後能否成功令老豆唔駛死完又死?

壓力大夠鐘放鬆下!4套11月必睇笑死人瘋狂喜劇電影壓力大夠鐘放鬆下!4套11月必睇笑死人瘋狂喜劇電影

壓力大夠鐘放鬆下!4套11月必睇笑死人瘋狂喜劇電影

電影賣點:題材超特別,以生死之間演譯父女親人之愛,由廣瀨鈴、吉澤亮主演,加上26粒超豪華巨星抵死演繹,雖然部份只是瞬間客串,不過有種「找威利」的遊戲感。

 

 

 

《信用欺詐師JP:公主篇》

相隔一年,信用欺詐師又搵到新水魚!欺詐三人組上集玩殘香港女帝,今次誓要反轉星馬!

新加坡富豪胡雷盟突然離世,他竟然指定從未露面的私生女Michelle為繼承人!世界各地欺詐師聽到消息後蜂擁而至,達子(長澤正美 飾)當然也不會放過這條大魚!她從街上找來只識點頭的孤兒(關水渚 飾) 偽裝成Michelle,與少爺仔(東出昌大 飾)和理察(小日向文世 飾)相繼潛入胡家爭產。他們一邊要防備胡雷盟三名子女(徐若瑄、古川雄大、白濱亞嵐 飾)的暗算,另一邊要應付加入混戰的愛情騙子傑西(三浦春馬 飾)及仇人黑幫大佬(江口洋介 飾)﹗左右夾撃下,欺詐三人組能否成功扭轉大局、全身而退?

壓力大夠鐘放鬆下!4套11月必睇笑死人瘋狂喜劇電影壓力大夠鐘放鬆下!4套11月必睇笑死人瘋狂喜劇電影

壓力大夠鐘放鬆下!4套11月必睇笑死人瘋狂喜劇電影

電影賣點:三浦春馬、竹內結子生前最後合作的電影,故事比《香港篇》更完整,笑點不絕,加上有台灣女星徐若瑄超精彩演出,絕對值得入場大笑一番!

 

《那夜凌晨,我老公死極死唔去》

有個靚仔、有錢、又愛你的Oppa老公,就叫做擁有全世界?點知…你老公淨係想毁滅全世界! 恩愛夫妻朴素熙(李貞賢 飾)與崔萬吉(金聖午 飾)一直羨煞旁人,但有日素熙請私家偵探調查老公出軌,竟揭破老公唔係人,係「偷食」同「企圖滅世」的外星人!素熙盛怒下聯同好姐妹殺夫救地球。但崔萬吉堪稱「宇宙最強」,佢毒唔死、電唔瓜、劈唔傷,究竟點先死得去?那夜凌晨,保護地球的責任就交曬俾你地!

壓力大夠鐘放鬆下!4套11月必睇笑死人瘋狂喜劇電影壓力大夠鐘放鬆下!4套11月必睇笑死人瘋狂喜劇電影

電影賣點:《屍殺半島》一面正經的李貞賢今次改拍笑片 ,相對之前《屍殺半島》絕對一反觀眾印象。

 

《今日我話事!劇場版》

位於大西北嘅北根壞高校學生,一把火燒咗自己間學校,唯有借用開久高校。而北根壞惡霸柳銳次(柳樂優彌 飾)喺非常時期仲威逼利誘開久高校嘅同學硬食貴價鎖匙扣,唔買嘅就通通捱打。

為咗守護身邊巴絲,身體好誠實成日龜縮嘅「金毛仔」三橋(賀來賢人 飾)、日日掛住出pool 嘅早川(橋本環奈 飾)同呃Like放閃嘅「箭豬頭」伊藤(伊藤健太郎 飾)終於要出手喇!今次放低同開久高校嘅新仇舊恨,同柳銳次等人挑機玩舖勁,更加遇上生命中最大危機,唔通今鋪真係GG啦……

壓力大夠鐘放鬆下!4套11月必睇笑死人瘋狂喜劇電影壓力大夠鐘放鬆下!4套11月必睇笑死人瘋狂喜劇電影

壓力大夠鐘放鬆下!4套11月必睇笑死人瘋狂喜劇電影

電影賣點:可能係近期最熱血電影,雖然由不良少年為主角,不過都是執行正義,不但搞笑場面甚多,而且打鬥場面拳拳到肉。另外,值得一提的是全戲採用香港特色對白,特別有親切感。

 

關鍵詞
電影

YOU MAY ALSO LIKE ...