《復仇者聯盟2》Avengers2 激似動作替身逐個捉

電影

廣告

就算唔係電影迷,都應該知「替身」呢個崗位。即係主角拍動作片時,就會搵呢啲替身演員代替佢哋,去完成一啲危險度同困難度高嘅動作場面。我哋香港叫替身演員做「龍虎武師」,因為佢哋通常習過武、身手好。外國當然亦有「龍虎舞師」,好似《復仇者聯盟2》就有大量動作場面,唔少場口亦係由替身演員完成。如果你已經睇咗《復2》嘅話,可能會諗:「點解我都唔覺有乜場口有替身?」

除咗因為荷里活嘅電腦特技同剪接技巧好,重因為一班主角嘅替身都係激似演員「本尊」,唔信?有相有真相!

Text-東 Photo-網上圖片

 

《復仇者聯盟2》中粒粒星,你估下邊個主角用得最多替身?答案係 「黑寡婦」Scarlett Johansson。佢喺拍攝期間已經懷孕8個幾月,睇戲唔覺呢!其實係因為佢搵咗3名替身幫手:分別Casey Michaels,Heidi Moneymaker同Helen Steinway Bailey,你睇相係咪都分唔到邊個打邊個?

 

聽聞就連同片嘅演員都經常認錯人,好似「雷神」Chris Hemsworth某次見到 「Scarlett Johansson」就上前打招呼啦,結果就發現原來係其中一個替身。

內容延讀:

睇埋《復仇者》黑寡婦真粉要知嘅10件大事

睇完《復仇者》,再睇拆解湯哈迪新戲《末日先鋒:戰甲飛車》

美國隊長Chris Evans都有兩位替身,其中一位就係 Andy Lister。

 

重有呢位,論外貌又唔係太似。

 

雷神嘅替身演員叫Bobby Holland Hanton,佢係一個相當有名嘅替身演員,佢喺《 James Bond: Quantum of Solace》做過Daniel Craig替身,亦係《Game of Thrones》多場大型動作場面中出現。

 

下圖係2014年3月,《復2》喺首爾麻浦大橋進行拍攝時,記者影到一眾主角嘅替身演員。喂,遠睇真係會認錯。其實喺美國做特技人/替身嘅待遇非常唔錯,據美國電視及廣播演員聯會(AFTRA)規定,特技替身日薪為889美元。以一部3個月攝製期嘅電影計,平均都可以賺到5萬美元,算唔錯,不過呢啲搵命搏嘅辛苦錢,唔係個個都賺到呢。

YOU MAY ALSO LIKE ...

There are 10 comments

Add yours
  1. 新Monday / 【唔使激嬲都變】正宗Hulk變形俠車出現喇! - 新Monday

    […] 復仇者一員,Hulk變形俠醫其實幾有型,你睇連黑寡婦都冧佢就知啦!外國有位graffiti artist Rene Turrek相信都係咁諗,所以就將佢嘅Hulk作品,以熱感油畫上架寶馬度,並命名為Xclusivcars project。未用熱水「激」佢個時,未變形,一筒熱水淋過去,變形俠醫即刻嘩嘩聲現身!架車重出晒煙咁,都幾有霸氣! […]


Comments are closed.